Prezident Suśvietnaha ekanamičnaha forumu padaŭ u adstaŭku na fonie rasśledavańnia jaho suviaziaŭ z Epštejnam
Hienieralny dyrektar Suśvietnaha ekanamičnaha forumu Biorhie Brendzie zajaviŭ pra svaju adstaŭku — heta adbyłosia praź niekalki tydniaŭ paśla taho, jak sam forum raspačaŭ niezaležnaje rasśledavańnie jaho adnosin z asudžanym za seksualnyja złačynstvy biznesmienam Džefry Epštejnam.
Brendzie zaniaŭ pasadu prezidenta forumu jašče ŭ 2017 hodzie. Raniej u materyjałach pa spravie Epštejna, apublikavanych Ministerstvam justycyi SŠA, znajšli paćvierdžańni taho, što jon trojčy viačeraŭ z Epštejnam, a taksama vioŭ ź im elektronnuju pierapisku.
Brendzie i Epštejn pierapisvalisia ŭ 2018 i 2019 hadach, abmiarkoŭvali sustrečy za viačeraj u domie biznesmiena.
U adnym ź listoŭ Epštejn dasłaŭ fatahrafiju žančyny, tvar jakoj byŭ zafarbavany ŭ dakumiencie, apublikavanym Ministerstvam justycyi. Brendzie napisaŭ: «Ja ž mieŭ racyju, praŭda? Śmiešna», a Epštejn adkazaŭ: «Tak. Drennyja naviny. Kožny raz, kali ja budu bačyć mis Pihi, budu dumać pra… ciabie».
Brendzie adkazaŭ: «Ja z hetym źmirusia. Lepš być u pamiaci, čym być zabytym».
U inšaj sieryi paviedamleńniaŭ u krasaviku 2018 hoda Brendzie napisaŭ: «Sumuju pa vas, ser. Biorhie».
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary