Pa spravie ab śmierci Miełkaziorava pryznačyli dadatkovuju ekśpiertyzu
Udava błohiera Mikity Miełkaziorava Lina Capava paviedamiła, što prakuratura Polščy praciahvaje rasśledavańnie spravy ab śmierci Mikity.
Fota: instahram Miełkaziorava
«Kab vyznačyć kančatkovuju pryčynu śmierci, jaho bijałahičnyja materyjały adpravili na dadatkovyja ekśpiertyzy. Płanujecca, što praces zojmie ad čatyroch da vaśmi miesiacaŭ», — napisała Lina ŭ sacsietkach.
Jana paprasiła nie śpiekulavać na hetaj temie, bo siamji baluča paśla śmierci Mikity.
Viadoŭcy papularnaha jutub-kanała «Žyćcio-malina» Mikity Miełkaziorava raptoŭna nie stała ŭ 37 hadoŭ. Jon pamior u noč z 20 na 21 śniežnia.
U Akruhovaj prakuratury Varšavy paviedamlali, što anatamavańnie nie vyjaviła prykmiet, jakija mahli b śviedčyć pra toje, što žurnalist pamior u vyniku traŭmy, adnak lekary znajšli źmieny, jakija stali vynikam chraničnaha zachvorvańnia.
Čytajcie taksama:
«Skaryna jutuba». Leibonik zapisaŭ pieśniu pra Mikitu Miełkaziorava
Prakuratura pra śmierć Miełkaziorava: žurnalist mieŭ chraničnuju chvarobu