U Biełym domie praviali malebien za Trampa
U Biełym domie ŭ Avalnym kabiniecie adbyŭsia masavy malebien u honar prezidenta ZŠA Donalda Trampa i amierykanskich uzbrojenych sił. Videazapis cyrymonii byŭ apublikavany na jutub-kanale Biełaha doma i ŭ sacyjalnaj sietcy X.
Skrynšot ź videa
U malitvie ŭdzielničali kala dvaccaci pastaraŭ z roznych štataŭ ZŠA. Jany prasili Boha dać prezidentu siłu dla kiraŭnictva krainaj i abaranić vajskoŭcaŭ. Padčas ahulnaj malitvy hučali prośby ab łascy i abaronie dla vajskoŭcaŭ. Udzielniki stajali pobač, trymajučysia za plečy, i razam malilisia za padtrymku prezidenta i krainy.
Raniej Tramp užo sustrakaŭsia z relihijnymi dziejačami. U sakaviku minułaha hoda archijepiskap Kanstancinopalskaha patryjarchatu ŭ ZŠA Elpidafor zaklikaŭ jaho «zrabić Amieryku niepieramožnaj», paraŭnaŭ z rymskim impierataram Kanstancinam I Vialikim i padaryŭ kryž.
Mierapryjemstva adbyłosia na fonie abvastreńnia situacyi na Blizkim Uschodzie paśla pačatku vajennaj apieracyi ZŠA i Izraila suprać Irana.
Čytajcie taksama:
Tramp: Nijakaj ździełki ź Iranam nie budzie, tolki biezahavoračnaja kapitulacyja
Tramp: Nastupnym laśnie režym na Kubie
Tramp sustreŭsia ź Miesi i ŭsioj kamandaj «Inter Majami»
Tramp zajaviŭ, što pavinien udzielničać u vybary novaha lidara Irana