Prezident ZŠA daŭ intervju Politico, u jakim zakranuŭ niekalki aktualnych palityčnych prablem.
Bild, jaki razam z vydańniami Politico, WELT, Onet, Business Insider i FAKT uvachodzić u sietku Axel Springer Global Reporter, pierakazvaje asnoŭnyja tezisy.
Donald Tramp zajaviŭ, što choča ŭdzielničać u vybary pierajemnika kiraŭnika dziaržavy abo ŭrada Irana:
«Ja budu mieć vialiki ŭpłyŭ, inakš pahadnieńnia nie budzie, tamu što my nie źbirajemsia prachodzić praz usio heta znoŭ. My budziem pracavać z narodam i režymam, kab pierakanacca, što da ŭłady pryjdzie toj, chto zdoleje dobra adbudavać Iran, ale bieź jadziernaj zbroi», — zajaviŭ Tramp.
Jon taksama pachvaliŭ chod svajoj vajennaj kampanii i adchiliŭ tryvohi niekatorych respublikancaŭ, što heta moža nanieści im palityčnuju škodu pierad pramiežkavymi vybarami ŭ listapadzie, naprykład, praz rost cen na bienzin. Apytańnie, apublikavanaje Fox News u čaćvier, pakazała, što mierkavańni vybarščykaŭ adnosna vajny ŭ Iranie padzielenyja. Papiarednija apytańni pakazvali, što jana niepapularnaja.
Adnak Tramp u heta nie vieryć.
«Ludziam heta vielmi padabajecca. Jany ŭ zachapleńni ad taho, što adbyvajecca, — skazaŭ jon. — My likvidujem pahrozu Złučanym Štatam Amieryki, vialikuju pahrozu… i robim heta tak, jak nichto nikoli raniej nie bačyŭ».
Tramp acharaktaryzavaŭ kampaniju ZŠA suprać Irana jak dobra kantralavanuju i asprečyŭ paviedamleńni ab vyčarpańni zapasaŭ zbroi. Pavodle jaho słoŭ, irancy zaznali vajennaje paražeńnie:
«U ich niama fłotu. U ich niama VPS. U ich niama pavietranaj raźviedki. Usio źniščana. Ich radyjołakacyjnyja stancyi źniščanyja, ich armija skaraciłasia. U ich zastałasia tolki mužnaść», — skazaŭ Tramp.
Prezident taksama pachvaliŭ ministra abarony Pita Chiehseta: «Vy bačycie, jak dobra Pit vykonvaje svaju pracu, i vy bačycie, nakolki dobraja armija. U nas fantastyčnaja armija. Uvieś śviet heta ciapier bačyć. Ja pabudavaŭ armiju padčas majho pieršaha terminu i vykarystoŭvaju jaje padčas druhoha», — skazaŭ jon.
Tramp pradkazaŭ, što iranski ŭrad nie budzie apošnim, chto zdasca ŭ inicyjavanym im supraćstajańni: «Kuba taksama ŭpadzie».
Jon paćvierdziŭ, što Złučanyja Štaty znachodziacca ŭ kantakcie z kamunistyčnym kiraŭnictvam Kuby, pakolki niestabilnaść na vostravie ŭzmacniajecca paśla vykradańnia prezidenta Vieniesueły Nikałasa Madura: «Im patrebna dapamoha. My razmaŭlajem z Kubaj. My spynili ŭsiu naftu, usie hrošy… usio, što pastupała ź Vieniesueły, adzinaj krynicy. Jany chočuć zaklučyć ździełku. Praz 50 hadoŭ heta budzie višańkaj na torcie».
Choć Iran pa-raniejšamu znachodzicca ŭ centry ŭvahi, Tramp zajaviŭ, što ŭ chutkim časie buduć praciahnutyja pieramovy pra vajnu va Ukrainie. Jon znoŭ vykazaŭ svajo rasčaravańnie prezidentam Ukrainy Uładzimiram Zialenskim: «Zialenski musić narešcie dziejničać i damaŭlacca. U ich niama kartaŭ u rukach. Ciapier u jaho ich stała jašče mienš».
Kamientary
Jeśli b on v Biełarusi uničtožił riežim łukašienok i jeho prichlebatielej!
A tak eto nam nie intieriesno, čto tam na kubie.
On hieroj tolko tam, hdie možiet čto-to sdiełať, a hdie nie možiet, kak v słučaje s Biełaruśju i Rośsijej, on družit s nimi