MZS Azierbajdžana padziakavaŭ Biełarusi za salidarnaść suprać iranskich dronaŭ

6 sakavika MZS Azierbajdžana ŭklučyŭ aficyjny biełaruski ściah u infahrafiku da paviedamleńnia z padziakaj za salidarnaść paśla ataki iranskich bieśpiłotnikaŭ u Nachičevani.

Fota: x.com/AzerbaijanMFA

Ministerstva zamiežnych spraŭ Azierbajdžana zajaviła, što kraina vielmi ŭdziačnaja mižnarodnym partnioram za padtrymku paśla taho, jak iranskija bieśpiłotniki nanieśli ŭdary pa azierbajdžanskaj terytoryi. U viedamstvie adznačyli, što vysoka aceńvajuć zajavy salidarnaści, listy i telefonnyja zvanki, atrymanyja ad roznych dziaržaŭ. Taksama padkreślivajecca važnaść taho, što partniory paćvierdzili svaju padtrymku suvierenitetu Azierbajdžana, jaho terytaryjalnaj cełasnaści i niedatykalnaści miežaŭ. Baku padziakavaŭ usim krainam i mižnarodnym arhanizacyjam, jakija ŭ hety składany pieryjad vykazali padtrymku i praciahvajuć być pobač.

Usiaho da paviedamleńnia było dałučana 40 ściažkoŭ krain i šeść emblem mižnarodnych arhanizacyj. Rasijskaha ściaha ŭ hetym paviedamleńni, u adroźnieńnie ad biełaruskaha, nie było, zatoje byŭ armianski.

6 sakavika sa svaimi azierbajdžanskimi kalehami źviazvalisia i razmaŭlali ministr zamiežnych spraŭ Biełarusi Maksim Ryžankoŭ i premjer-ministr Alaksandr Turčyn.

Kamientary da artykuła