Łukašenka namiaknuŭ, što ŭ Minsk chutka znoŭ pryjeduć amierykancy

Pra amierykancaŭ Alaksandr Łukašenka zhadaŭ 8 sakavika padčas naviedvańnia restaracyi sietki «Mak.baj», jakaja znachodzicca ŭ Pieršym nacyjanalnym handlovym domie ŭ Minsku.

Alaksandr Łukašenka. Fota: BiełTA

Padčas hetaha vizitu Łukašenka nahadaŭ, što paśla adychodu sietki «Makdonalds» ź Biełarusi było daručana stvaryć ajčynny anałah, jaki nie budzie horšy za amierykanskuju sietku. U vyniku ŭstanova źmianiła nazvu, a dla padrychtoŭki straŭ pačali vykarystoŭvać biełaruskija pradukty.

«A ciapier niachaj amierykancy pryjduć i pahladziać. Pryjeduć da mianie — abaviazkova pryviadzi ich siudy, — źviarnuŭsia Łukašenka da pieršaha vice-premjera Mikałaja Snapkova. — Skažy: pojdziem u «Makdonalds». Biełarusy pracujuć, biełaruskaje abstalavańnie, biełaruski pradukt».

Raniejšyja vizity ŭ Minsk vysokapastaŭlenych amierykanskich pradstaŭnikoŭ supravadžalisia vyzvaleńniem z turmaŭ i kałonij dziasiatkaŭ palitźniavolenych — praŭda, z adnačasovym prymusovym ich vydvareńniem z terytoryi Biełarusi. 

Kamientary da artykuła