Takuju prapanovu Łukašenka vykazaŭ padčas naviedvańnia restarana «Mak.baj» u Minsku.
Padčas demanstracyi Łukašenku pracy aparata samaabsłuhoŭvańnia ŭ restaracyi sietki «Mak.baj» u Minsku dyrektarka sietki Viktoryja Dańko stała dziela prykładu zakazvać praź jaho kavu amierykana dla pieršaha vice-premjera Mikałaja Snapkova.
Łukašenka, pačuŭšy nazvu amierykana, adreahavaŭ niečakana:
«Amierykana treba pierajmienavać u biełaruski brend. U dužkach pakul pišy «amierykana», a kali zvyknuć, tady…»
Mahčyma, heta byŭ tolki žart, choć havaryŭ pra heta palityk bieź cieniu ŭśmieški na tvary. Ale ŭ kožnym razie raniejšaja praktyka śviedčyć, što padobnyja jahonyja vykazvańni zvyčajna ŭsprymajucca jak zahad i majuć nastupstvy.
Tak, u listapadzie 2024 hoda, naviedvajučy Minski dziaržaŭny linhvistyčny ŭniviersiteta, Łukašenka ŭspomniŭ, što raniej hetu VNU nazyvali «iniazam», a ciapierašniuju nazvu akreśliŭ jak «maciernuju». Sa žniŭnia 2025 hoda MDŁU aficyjna staŭ nasić nazvu, bolš blizkuju da savieckaj — Biełaruski dziaržaŭny ŭniviersitet zamiežnych moŭ.
Jašče raniej taksama «maciernaj» Łukašenku padałasia nazva adnaho z fakultetaŭ Viciebskaha dziaržaŭnaha ŭniviersiteta imia Mašerava — humanitarystyki i moŭnych kamunikacyj. Užo praz try tydni heta nazva stała hučać krychu inakš — fakultet humanitarnych viedaŭ i kamunikacyj.
Kamientary