Łukašenka pavinšavaŭ Madžtabu Chamieniei z abrańniem Viarchoŭnym lidaram Irana

Alaksandr Łukašenka ad imia biełaruskaha naroda i asabista pavinšavaŭ Madžtabu Chasejni Chamieniei z abrańniem na najvyšejšuju dziaržaŭnuju pasadu — Viarchoŭnaha lidara i kiraŭnika Isłamskaj Respubliki Iran, paviedamiła pres-słužba palityka.

Madžtaba Chamieniei

U vinšavańni adznačajecca, što Iran zajmaje asablivaje miesca ŭ historyi i cyvilizacyjnaj spadčynie čałaviectva. 

Sa słoŭ Łukašenki, novy kiraŭnik uznačaliŭ krainu ŭ vielmi składanych umovach, adnak jość upeŭnienaść, što pad jaho kiraŭnictvam Iran budzie praciahvać šlach abarony niezaležnaści, zabieśpiačeńnia stabilnaha raźvićcia, zachavańnia duchoŭnaj spadčyny i ŭmacavańnia svajoj roli na mižnarodnaj arenie. 

Taksama ŭ vinšavańni padkreślivajecca, što Biełaruś i Iran daŭno padtrymlivajuć tryvałyja siabroŭskija stasunki, zasnavanyja na ŭzajemnaj pavazie i daviery. Biełaruś vysoka aceńvaje partniorstva z Tehieranam i nadaje vialikaje značeńnie dalejšamu raźvićciu kantaktaŭ na ŭsich uzroŭniach.

Na zakančeńnie Łukašenka pažadaŭ Madžtabu Chasejni Chamieniei zdaroŭja, mudraści i pośpiechaŭ u jaho misii, a iranskamu narodu — miru, mužnaści i adzinstva.

Pra abrańnie 56‑hadovaha Madžtaby Chamieniei, syna zabitaha 28 lutaha ŭ vyniku ŭdaru Izraila ajatały Ali Chamieniei, Viarchoŭnym lidaram Irana zamiest baćki, aficyjna stała viadoma 8 sakavika pozna ŭviečary, choć iranskija emihranckija ŚMI paviedamlali pra toje, što Rada ekśpiertaŭ spyniłasia mienavita na jahonaj kandydatury, jašče 4 sakavika. 

Kamientary da artykuła