Stałkier Hanny Bond prymataŭ da jaje mašyny cacku z čyrvona-zialonym ściažkom
Zdymać siurpryz błohierka vyklikała milicyju.
Hanna Bond. Tut i dalej skrynšoty jaje instahrama
Hanna Bond skardzicca na stałkiera nie pieršy hod — źjaviŭsia toj jašče ŭ 2022-m. Jana źviartałasia pa dapamohu ŭ milicyju, ale stałkier nie źnik. Bolš za toje: ciapier mužčyna pašyryŭ hieahrafiju pieraśledu błohierki.
Na 8 Sakavika jon pakinuŭ Hańnie siurpryz, prymataŭšy mietaličnym łancužkom jaho da ručki aŭtamabila błohierki. Na videa možna pabačyć, što ŭ cełafanavym pakiecie na niejkaj skryni siadzić miakkaja cacka (imavierna sabačka) z čyrvona-zialonym ściažkom.
Hanna vyklikała milicyju — tyja admotvali prezient. A paśla napisała zajavu. Kaža, što ŭ miascovym RUUS situacyi ździŭleny, bo taki vypadak upieršyniu na rajonie.
Błohierka ličyć, što stałkieru patrebna dapamoha miedykaŭ.
Jak zmahacca z dakučlivym mužčynam, Hanna nie vielmi razumieje, bo aficyjna zrabić niešta nie atrymoŭvajecca. Jana prosić padpisčykaŭ dasyłać joj fota i videa jaje stałkiera, kali jany pabačyli jaho niedzie — kab prykładać heta da čarhovaj zajavy ŭ milicyju.
Čytajcie taksama:
«Dziažuryć pad dźviaryma». Hannu Bond znoŭ pieraśleduje stałkier
«Lažaŭ raździety ŭ mašynie i pilnavaŭ mianie». Hannu Bond pieraśleduje mańjak