«Dziažuryć pad dźviaryma». Hannu Bond znoŭ pieraśleduje stałkier
Znakamitaja biełaruskaja błohierka chvalujecca za svajo žyćcio praź pieraśled nastojlivaha mužčyny.
Vosieńniu 2024 hoda Hanna Bond raspaviała ŭ instahramie, što jaje daŭno pieraśleduje nieznajomiec: «Zachodzić u padjezd, siadzić pad dźviaryma i prykładvaje vucha. Ja čuju jaho dychańnie. Karavulić kala mašyny. Staić pad voknami».
Adnojčy jon padyšoŭ da žančyny ŭščylnuju na vulicy i skazaŭ, što Hanna musić jechać ź im na kvateru.
Niejak dzivak dzień lažaŭ raspranuty na zadnim siadzieńni mašyny i pilnavaŭ błohierku. Hanna źviarnułasia pa dapamohu ŭ milicyju (jana kaža, što heta byŭ užo druhi zvarot). Tady mužčynu zabrali na razmovu.
U chutkim časie vyśvietliłasia: pakul jon nie pryčyniŭ žančynie fizičnaj škody, zrabić pa zakonie ničoha nielha. Ale ž u milicyi stałkier paabiacaŭ bolš nie nahadvać pra siabie błohiercy.
Abiacańnia chapiła pryblizna na hod. Tydzień tamu Hanna paskardziłasia, što znoŭ sustreła stałkiera ŭ svajoj kramie: «U mianie nohi padkasilisia ad strachu. Adzin čałaviek navodzić na mianie dziki žach, jaki paralizuje».
Niadaŭna błohierka jeździła ŭ Maskvu i padčas vandroŭki dziakujučy kamieram videanazirańnia ŭ svaim padjeździe pabačyła, što mužčyna znoŭ karavuliŭ la jaje dźviarej.
Hanna kaža, što chvalujecca za svajo žyćcio i prosić dapamohi.
Pobač z Łukašenkam na chakiei źjaviłasia novaja pryhažunia10
Kamientary
[Zredahavana]