Na zachadzie Biełarusi aktyvizavalisia viasnovyja alerhieny
U Hrodzienskaj i Bresckaj abłaściach prahnazujecca pavyšanaja kancentracyja pyłku alerhiennych raślin, što stanie surovym vyprabavańniem dla ludziej z alerhijaj. Asabliva heta tyčycca pyłku kvitniejučaj volchi, piša telehram-kanał @nadvorie.
Ćvicie volcha. Zdymak ilustracyjny
Maksimalnaja kancentracyja pyłku budzie naziracca bližej da zachodu sonca, kali spyniajecca ruch pavietra kala ziamli. Pavodle prahnozaŭ śpiecyjalizavanych resursaŭ i danych Finskaha mietearałahičnaha instytuta, u hety čas kolkaść pyłkavych ziarniat na kubičny mietr moža dasiahać prykładna 1000 adzinak.
Pyłok volchi moža vyklikać u alerhikaŭ reakcyi, takija jak rynit, ślozaciačeńnie, kašal i navat prystupy astmy. Tamu ludziam z alerhijaj rekamiendujuć pa mahčymaści abmiežavać znachodžańnie na vulicy ŭ pieryjad maksimalnaj kancentracyi pyłku i vykarystoŭvać srodki abarony, naprykład maski i kropli dla vačej.
Čytajcie taksama:
Jak viasnoj alerhikam ablehčyć svajo žyćcio?
Vakcyna ad alerhii: kamu jana padydzie i čamu nie harantuje pažyćciovaha pazbaŭleńnia ad patałohii
Jak vyjści pieramožcam u supraćstajańni z tapolevym pucham
«U mianie alerhija na pracu». Doktar — pra vielmi dziŭnyja vidy alerhii