U Minsku ćvituć tapoli, a ŭ vialikaj kolkaści ludziej na jaho alerhija. Jak pieražyć hety pieryjad raspaviała «Minsk-navinam» dacent kafiedry hierantałohii i hieryjatryi z kursam alerhałohii i prafpatałohii BiełMAPA Taćciana Baranoŭskaja.
Daśviedčanyja alerhiki, imknučysia paźbiehnuć abvastreńniaŭ palinozu, zvyčajna płanujuć na hety čas adpačynak i źjazdžajuć tudy, dzie imaviernaść sustrečy z pravakatarami zachvorvańnia značna mienšaja. Prykmietna lepš hetaja katehoryja pacyjentaŭ pačuvajecca kala vadajomaŭ: moraŭ, azior, rek.
Kali ž takaja mahčymaść vyklučanaja, to nieabchodna prytrymlivacca nastupnych pravił pavodzin. Mienš byvać na vulicy, u parkach i sadach, asabliva ranicaj.
Začyniać vokny i fortki, paźbiahać skraźniakoŭ, rehularna pravodzić doma vilhotnuju ŭborku. Pakolki pyłok asiadaje na adkrytych učastkach cieła, vałasach, vopratcy, to paśla viartańnia z vulicy treba pieraapranacca, prymać duš, myć hałavu.
Akramia taho, alerhołah raić vykarystoŭvać admysłovyja filtry dla žyłych pamiaškańniaŭ i filtry dla nosa, jakija jašče nazyvajuć reśpiratarami-nievidzimkami.
Napiaredadni sustreč z «voraham» rekamiendujecca prafiłaktyčna prymać antyhistaminnyja preparaty. Kali simptomy palinozu nie prachodziać, treba źviarnucca pa kansultacyju da śpiecyjalista.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy44
Kamientary