Pad Minskam dla adpačynku zdajuć trochpaviarchovuju viežu

Prykładna za hadzinu jazdy ad Minska siarod sasnovaha lesu znachodzicca vodanapornaja vieža, jakuju pieratvaryli ŭ miesca dla adpačynku. Niezvyčajny abjekt 1968 hoda pabudovy raźmieščany ŭ vioscy Klinok Červieńskaha rajona, na terytoryi vejkparka «Vołma», piša Tochka.by.

Fota: volmawake.by

Viežu całkam pieraabstalavali i zrabili tam sučasny ramont.

Na pieršym paviersie raźmieščanyja mini-kuchnia i sanvuzieł. Druhi ŭzrovień zajmaje haścioŭnia z elektryčnym kaminam, vialikim televizaram i vysokimi stolami — kala 6 m. Na trecim paviersie znachodzicca spalnia ź vidam na vieršaliny sosien.

Niezvyčajny farmat adpačynku abmiarkoŭvali karystalniki Threads. U kamientarach sustrakajucca jak stanoŭčyja, tak i krytyčnyja vodhuki.

Fota: volmawake.by

«Oj, tam i ź internetam prablemy, i sietka drennaja, i choładna… Karaciej, nam nie zajšło», — napisała adna z kamientatarak.

Fota: volmawake.by

«Za sutki vy vielmi mocna adčujecie nahruzku na nohi. Uličvajučy kanstrukcyju, prybirać viežu ad pyłu vielmi składana. A jaho tam vielmi šmat. Luby alerhik budzie cierci vočy i zalivacca saplami. A tak to tak, cikava pabyvać», — padzialiŭsia ŭražańniami karystalnik.

Fota: volmawake.by

«Adpačyvała tut paru hadoŭ tamu, prykolnaje miesca, ale jość niuansy», — napisała inšaja biełaruska.

Adnačasova tut mohuć raźmiaścicca da čatyroch darosłych i dvuch dziaciej.

Košt adpačynku zaležyć ad dnia tydnia. Noč dla dvaich abydziecca ŭ 250 rubloŭ pa budniach i ŭ 300 rubloŭ u vychadnyja i śviaty. Dzieci da 12 hadoŭ uklučna mohuć žyć biaspłatna.

Kamientary da artykuła