Pamior Valeryj Sacukievič
Pamior zasnavalnik bujnoha budaŭničaha hipiermarkieta KSK u Homieli Valeryj Sacukievič, paviedamiła vydańnie «Mocnyja naviny». Jamu było 57 hadoŭ.
Fota: «Homiełśkije viedomosti»
Śćviardžajecca, što śmierć Valeryja Sacukieviča stała vialikaj strataj dla siamji, pracoŭnaha kalektyvu i ŭsich, chto jaho viedaŭ.
«Mocnyja naviny» padkreślivajuć, što jon adyhraŭ važnuju rolu ŭ raźvićci budaŭničaha biznesu ŭ Homieli, a jaho kamanda stvaryła nie prosta kramu budaŭničych materyjałaŭ, a vialiki i papularny prajekt, jakim karystalisia mnohija žychary horada i vobłaści.
Vosieńniu 2024 hoda vydańnie «Fłahštok» paviedamlała, što ŭ sudzie Savieckaha rajona Homiela na 6 listapada byŭ pryznačany razhlad administracyjnaj spravy suprać Valeryja Jaŭhienaviča Sacukieviča pavodle artykuła 19.10 častka 1 — «prapahanda abo publičnaja demanstracyja, vyrab i raspaŭsiudžvańnie nacysckaj simvoliki abo atrybutyki», a taksama pa art. 24.1 «Nievykanańnie piśmovaha patrabavańnia (pradpisańnia)». Čym taja sprava skončyłasia, nie paviedamlałasia.
Čytajcie taksama:
Pamior prafiesar Hieorhij Halenčanka — historyk, jaki viarnuŭ Skarynu sapraŭdnaje imia
Pamior hanarovy hramadzianin Baranavičaŭ i były dyrektar filijała «Atłanta»
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi