Pamior hanarovy hramadzianin Baranavičaŭ i były dyrektar filijała «Atłanta»
Uładzimir Rašatko byŭ viadomym u Baranavičach čałaviekam.
Pamior były dyrektar Baranavickaha stankabudaŭničaha zavoda (filijał «Atłanta»), hanarovy hramadzianin Baranavičaŭ Uładzimir Rašatko.
Jon naradziŭsia 22 kastryčnika 1951 hoda ŭ Baranavičach. U 1969 hodzie pajšoŭ na zavod žalezabietonnych vyrabaŭ budaŭničaha tresta №25. Paśla słužby ŭ armii viarnuŭsia dadomu i niekatory čas pracavaŭ ślesaram-ramontnikam na bavaŭnianym kambinacie. U 1977 hodzie skončyŭ Biełaruski politechničny instytut pa śpiecyjalnaści «technałohija mašynabudavańnia, mietałareznyja stanki i instrumienty» i byŭ nakiravany na Baranavicki zavod aŭtamatyčnych linij. Prajšoŭ šlach ad majstra da načalnika cecha.
Z 1 krasavika 1986 hoda byŭ pryznačany dyrektaram novaha pradpryjemstva ŭ Baranavičach — stankabudaŭničaha zavoda. Jamu Rašatko pryśviaciŭ 28 hadoŭ.
Za značny ŭkład u pavyšeńnie efiektyŭnaści vytvorčaści ŭ 1994 hodzie Uładzimiru Rašatko prysvojena hanarovaje zvańnie «Zasłužany rabotnik pramysłovaści Respubliki Biełaruś». Dyrektar Baranavickaha stankabudaŭničaha zavoda atrymaŭ taksama ordeny Pašany i Ajčyny III stupieni, nazvany «Čałaviekam hoda» Baranavičaŭ u halinie pramysłovaści.
Pry im źjaviŭsia sanatoryj-prafiłaktoryj «Čabarok», spartyŭny kompleks «Atłant», novyja pradpryjemstvy handlu i hramadskaha charčavańnia.
Žarsny amatar sportu, jon stvaryŭ valejbolny kłub.
Uładzimir Rašatko byŭ udastojeny taksama zvańnia «Hanarovy hramadzianin horada Baranavičy».
Raźvitańnie ź im adbudziecca 8 sakavika, z 11 da 13.30, u chramie Śviatoha Alaksandra Nieŭskaha.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary