«Kałhas u krainie va ŭsim. Čamu tut pavinna być vyklučeńnie?» Biełarusaŭ aburyli tualetnyja kubački z myłam na čyhuncy

Adna z karystalnic Biełaruskaj čyhunki paśla čarhovaj pajezdki nie ściarpieła i padzialiłasia ŭ Threads abureńniem adnosna dziŭnaha servisu, jaki rehularna prapanujuć pasažyram u «štadleraŭskich» vahonach.

Fota: threads.com/@ksu_nya_st

«Zachodžu ŭ tualet biznes-kłasa ŭ Štadlery, a tam… papiarovy kubačak z myłam. Surjozna? U dyzielach usio norm — i dazatary pracujuć, i ručniki jość. A tut prosta pryvitańnie z 90-ch.

Aficyjnaja viersija: «dazatary skrali, tamu pakul kubački». Tolki voś staić hetaje «časovaje» rašeńnie ŭžo paŭtara hoda.

Chto taksama jeździć — vam norm takoje myła «ahulnaje»? Ci ja adna chvalujusia za hihijenu?», — napisała dziaŭčyna, dałučyŭšy adpaviednyja fota.

Fota: threads.com/@ksu_nya_st

Kamientatary aŭtarku adnahałosna padtrymali:

«Nie, nie norm. Tamu zaŭsiody z saboj survetki i antysieptyk».

«Ja taksama tak rablu, ale asadačak zastajecca — biznes-kłas usio ž taki, nie elektryčka».

«Voś taki voś biznes-kłas».

«Kałhas u krainie va ŭsim! Čamu tut pavinna być vyklučeńnie?»

Fota: threads.com/@ksu_nya_st

«Jeździła ŭ biznes-kłasie i ŭ zvyčajnym, roźnica pa fakcie tolki ŭ siadzieńniach i ich rassadcy, na žal».

«I dyzieli zasranyja byvajuć budź zdaroŭ, nie idealizujcie ich».

«Ok, dyzieli nie ideał. Ale kubkaŭ z myłam tam niama. Heta pra štości kaža».

«A jak hetym uvohule karystacca? Nalivać z kubka na dałoń? Ja nie razumieju kancepcyju, dapamažycie».

Fota: threads.com/@ksu_nya_st

«Lepš tady naohuł biez myła, čym tak niasłavicca. A raptam dzicia papje z hetaj šklanki?»

«Takija voś biełarusy. Kraduć usio, što bačać…»

«Prablema nie ŭ pasažyrach, a ŭ tym, chto ciahniki rychtuje. U dyzielach ža ŭsio pracuje i ničoha nie kraduć. Značyć, sprava nie ŭ ludziach, a ŭ tym, chto i jak absłuhoŭvaje sastavy».

«Heta vas jašče ŭ biełmaku vusata i bulbačyjana nie pačastavali».

Fota: threads.com/@ksu_nya_st

Kamientary da artykuła