Vyjšaŭ na svabodu palitviazień Alaksiej Kubrakoŭ. Siłaviki nazvali jaho «kurjeram Bajsoła»
Jurystu prysudzili dva hady kałonii, ale tak doŭha trymali ŭ SIZA, što termin skončyŭsia.
Alaksiej Kubrakoŭ
Stała viadoma pra vyzvaleńnie palitźniavolenaha jurysta Alaksieja Kubrakova. Jaho paličyli «kurjeram Bajsoła» i prysudzili 2 hady kałonii i 22500 rubloŭ štrafu.
Kubrakova zatrymali ŭ kastryčniku 2024 hoda i biaskonca doŭha trymali ŭ SIZA — kančatkova jaho asudzili tolki miesiac nazad, 12 lutaha 2026 hoda. Za košt takoha praciahłaha znachodžańnia ŭ SIZA jaho termin užo skončyŭsia.
Razam ź im sudzili jašče troch čałaviek.
Adnamu taksama dali 2 hady kałonii — chutčej za ŭsio, jon vyzvaliŭsia ŭ toj ža dzień, što i Kubrakoŭ.
Jašče dva čałavieki atrymali pa 3 hady kałonii. Chutčej za ŭsio, havorka idzie pra paru — Siarhieja Kardaša i Vieru Kananienka. Imia Kardaša nazyvałasia ŭ tym ža siužecie ANT, dzie zhadvałasia i pra aryšt Kubrakova.
«Bajsoł» abviarhaŭ, što zatrymanyja biełarusy majuć dačynieńnie da arhanizacyi.