Za 5 hadoŭ u Biełarusi adramantujuć 500 mastoŭ
U Biełarusi ŭ najbližejšyja piać hadoŭ płanujuć abnavić kala 500 mastoŭ i puciepravodaŭ. Pra heta paviedamili ŭ Ministerstvie transpartu i kamunikacyj.
Zdymak ilustracyjny
Raboty praviaduć u ramkach dziaržaŭnaj prahramy «Darohi Biełarusi», raźličanaj da 2030 hoda. Na jaje realizacyju praduhledžana kala 19 miljardaŭ rubloŭ. Prahrama ŭklučaje ramont i rekanstrukcyju 25 tysiač kiłamietraŭ aŭtamabilnych daroh — heta prykładna ŭ paŭtara raza bolš, čym było zroblena ŭ papiaredniuju piacihodku.
Pa słovach namieśnika načalnika hałoŭnaha ŭpraŭleńnia aŭtamabilnych daroh Mintransa Siarhieja Lavončyka, takaja prahrama pavinna stać dobraj asnovaj dla madernizacyi darožnaj sietki krainy.
Siarod bujnych prajektaŭ — rekanstrukcyja vyjezdaŭ ź Minska ŭ miežach druhoj kalcavoj darohi, a taksama praciah rekanstrukcyi trasy M3, jakaja złučaje stalicu ź Viciebskam.
Usiaho ŭ Biełarusi naličvajecca bolš za 5 tysiač mastoŭ i puciepravodaŭ: kala 2,3 tysiačy znachodziacca na respublikanskich darohach, amal 3 tysiačy — na miascovych. Prykładna 500 ź ich płanujuć abnavić u najbližejšyja hady.
Akramia taho, ciapier u krainie idzie padrychtoŭka daroh da ciopłaha siezona: nanosiać raźmietku i likvidujuć defiekty pakryćcia.