ZŠA admovilisia zdymać sankcyi z rasijskaj nafty
Ministr enierhietyki ZŠA Krys Rajt u efiry telekanała CNN zajaviŭ, što čutki pra mahčymuju admienu sankcyj z rasijskaj nafty na fonie kryzisu ŭ Piersidskim zalivie nie adpaviadajuć rečaisnaści.
Zdymak ilustracyjny. Fota: Stringer/Anadolu via Getty Images
«Rasija nie atrymlivaje źmiakčeńnia sankcyj. Usia nafta znachodzicca na sudnach i čakaje čarhi na razhruzku ŭ Kitai. Heta prosta miera, kab paskoryć pastupleńnie na pierapracoŭčyja zavody — jana nakirujecca na NPZ Indyi zamiest kitajskich», — skazaŭ Krys Rajt.
Ministr taksama adznačyŭ, što ZŠA vykarystoŭvajuć padobnyja prahmatyčnyja miery, kab pieraadoleć niekalki tydniaŭ napružanaści ŭ enierhazabieśpiačeńni, i administracyja aryjentujecca na vynik.
Jon nie padtrymaŭ prahnozy ab mahčymym roście koštu nafty da 200 dalaraŭ za baral z-za pierakryćcia Armuzskaha praliva.
Rajt dadaŭ, što ŭ budučyni ZŠA taksama mohuć admovicca ad pastavak uzbahačanaha ŭranu z Rasii.
Raniej ZŠA dali Indyi časovy dazvoł na zakupku rasijskaj nafty: na praciahu miesiaca Ńju-Deli moža nabyvać syravinu, jakaja ŭžo zahružanaja ŭ tankiery.
Čytajcie taksama:
Ceny na naftu znoŭ viarnulisia da ŭzroŭniu vyšej za $100 za baral
Rasijski ŭrad źbirajecca zrezać 10% biudžetu
Mižnarodnaje enierhietyčnaje ahienctva prapanavała hruntoŭna zaleźci ŭ naftavyja reziervy
Naftavy «zapasny prachod»: ad enierhietyčnaha kałapsu śviet ratujuć usiaho dva trubapravody