Claude maluje hrafiki i dyjahramy niepasredna ŭ čacie

Anthropic abviaściła pra zapusk novaj funkcyi ŭ čat-bocie, jakaja dazvalaje sistemie stvarać hrafiki, dyjahramy i inšyja vizualnyja materyjały prosta ŭ chodzie dyjałohu, piša Devby.io.

Ciapier Claude moža aŭtamatyčna dadavać vizualnyja tłumačeńni da svaich adkazaŭ, kali paličyć, što jany dapamohuć lepš zrazumieć temu. Karystalniki taksama mohuć napramuju paprasić čat-bota stvaryć dyjahramu, tablicu ci hrafik.

Claude can now build interactive charts and diagrams, directly in the chat.

Available today in beta on all plans, including free.

Try it out: https://t.co/tHPAZRgQkn pic.twitter.com/WXRrD4VkAt

— Claude (@claudeai) March 12, 2026

U jakaści prykładu kampanija pryvodzić tłumačeńnie pieryjadyčnaj tablicy, dzie sistema hienieruje interaktyŭnuju vizualizacyju z mahčymaściu pierachodu da dadatkovaj infarmacyi pa asobnych elemientach, a taksama schiemy, jakija demanstrujuć, naprykład, raźmierkavańnie nahruzki ŭ kanstrukcyi budynka.

Krynica: Anthropic

Anthropic zajaŭlaje, što havorka nie idzie pra paŭnavartasnuju hienieracyju vyjaŭ. Vizualnyja elemienty stvarajucca z dapamohaj HTML-raźmietki i viektarnaj hrafiki XML, što faktyčna daje čat-botu dostup da «virtualnaj doški» dla ilustracyj. Takija vizualizacyi źjaŭlajucca niepasredna ŭnutry dyjałohu i mohuć źmianiacca ci źnikać pa miery jaho praciahu.

Novaja funkcyja pakul pracuje ŭ režymie beta-testavańnia, tamu raspracoŭščyki papiaredžvajuć pra mahčymyja zboi ci abmiežavańni. U pryvatnaści, vizualizacyi jašče nie padtrymlivajucca ŭ mabilnych viersijach Claude. Abnaŭleńnie dastupnaje ŭsim karystalnikam servisu.

Raniej na hetym tydni OpenAI pradstaviła anałahičnuju mahčymaść u ChatGPT dla interaktyŭnaha tłumačeńnia navukovych i matematyčnych kancepcyj, a Google ukaraniła ŭ Gemini instrumienty stvareńnia navučalnych vizualnych materyjałaŭ.

Kamientary da artykuła