Praź Bierlin cełyja sutki nie buduć lotać samaloty
U aeraporcie Bierlin-Brandenburh, jaki absłuhoŭvaje stalicu Hiermanii i navakolnyja rehijony, 18 sakavika buduć skasavanyja ŭsie rejsy. Pryčyna — strajk, abvieščany prafsajuzam Verdi.
Fota: AP Photo/Michael Sohn, File
Kiraŭnictva aeraporta paprasiła pasažyraŭ źviartacca da svaich avijakampanij abo turapierataraŭ, kab daviedacca pra mahčymaść pierabraniravańnia biletaŭ ci inšyja varyjanty pajezdki.
Strajk adbyvajecca na fonie kanfliktu pamiž prafsajuzam i pracadaŭcami dziaržaŭnaha siektara z-za pytańniaŭ apłaty pracy. Pradstaŭniki Verdi zajavili, što prapanova pracadaŭcaŭ padčas druhoha raŭnda pieramoŭ była pryznana nieprymalnaj.
Raniej u lutym strajk piłotaŭ niamieckaj avijakampanii Lufthansa užo pryvioŭ da admieny sotniaŭ rejsaŭ pierad Miunchienskaj kanfierencyjaj pa biaśpiecy. Na minułym tydni piłoty hetaj avijakampanii taksama praviali dvuchdzionny strajk z-za sprečak nakont piensijnych uznosaŭ.
Čytajcie taksama:
Z-za zabastoŭki rabotnikaŭ Lufthansa ŭ Hiermanii admienieny amal usie rejsy
Hrecyja strajkuje suprać zakonaprajekta ab 13‑hadzinnym pracoŭnym dni