Muziej Łuŭr u Paryžy ŭ poŭnym abjomie adnaviŭ pracu 19 śniežnia paśla taho, jak supracoŭniki prahałasavali za spynieńnie strajku, jaki raniej častkova prypyniŭ dziejnaść ustanovy. Jak paviedamlaje Associated Press, rašeńnie było pryniata na ahulnym schodzie supracoŭnikaŭ Łuŭra, dzie jany adnadušna padtrymali spynieńnie strajku, kab muziej zmoh prymać naviedvalnikaŭ.
Prafsajuzy adznačyli, što spynieńnie strajku adbyłosia paśla piaci sustreč z pradstaŭnikami Ministerstva kultury Francyi, ale padkreślili, što dasiahnutaha prahresu niedastatkova, asabliva ŭ pytańniach kadravaj zabiaśpiečanaści, apłaty pracy i doŭhaterminovych płanaŭ biaśpieki. Taksama jany vykazali zakłapočanaść stanam budynka i ŭmovami pracy.
Supracoŭniki krytykavali prezidentku Łuŭra Łarans de Kar za adsutnaść zacikaŭlenaści padčas strajku, bo jana nie sustrakałasia ź piersanałam i nie viała ź imi kamunikacyju. 5 studzienia supracoŭniki praviaduć novy schod, kab vyrašyć, ci adnaŭlać strajk.
Strajk pačaŭsia 15 śniežnia z-za pierahruzki supracoŭnikaŭ, patrabavańniaŭ pavieličeńnia najmu, pavyšeńnia zarobkaŭ i pieraraźmierkavańnia vydatkaŭ. U kastryčniku Łuŭr trapiŭ u suśvietnyja naviny praz 7‑chvilinnaje skandalnaje rabavańnie, što vyklikała pytańni pra jakaść mieraŭ biaśpieki ŭ muziei.
U Łuŭry čarhovaja biada: zdaryŭsia patop
Parolem ad kamier videanazirańnia ŭ abrabavanym Łuŭry było słova «Łuŭr»
Padazravany ŭ rabavańni Łuŭra raskazaŭ pra zamovu ad «mužčyn sa słavianskim akcentam»
Paśla vykradańnia kaštoŭnaściej z Łuŭra, jaho skarby schavali ŭ padziemnym schoviščy Banka Francyi
Škodu ad skradzienych z Łuŭra kaštoŭnaściaŭ acanili ŭ 88 miljonaŭ jeŭra
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty18
Kamientary