Hrecyja strajkuje suprać zakonaprajekta ab 13‑hadzinnym pracoŭnym dni
Prafsajuzy arhanizavali maršy pratestu ŭ centry Afinaŭ i ŭ inšych bujnych haradach krainy.
U aŭtorak dniom na Płoščy Kanstytucyi ŭ centry Afin, pierad budynkam hrečaskaha parłamienta, prajšli pratestnyja mitynhi ŭ ramkach 24‑hadzinnaj ahulnanacyjanalnaj zabastoŭki Vyšejšaj administracyi prafsajuzaŭ municypalnych słužačych (ADEDY), jakaja vystupaje suprać novaj pracoŭnaj reformy, paviedamlaje Euronews.
Asnoŭnaje patrabavańnie — adklikańnie zakonaprajekta ab mahčymym 13‑hadzinnym pracoŭnym dni i patrabavańnie sistemy 7 hadzin / 5 dzion / 35 hadzin (pracoŭny tydzień).
U toj ža čas ADEDY patrabuje adnaŭleńnia 13‑ha i 14‑ha zarobkaŭ, istotnaha pavyšeńnia apłaty pracy, zaklučeńnia kalektyŭnych pracoŭnych dahavoraŭ, u tym liku ŭ dziaržaŭnym siektary, pastajannaj i stabilnaj pracy dla ŭsich i inšaje.
Prapanavany zakonaprajekt zachoŭvaje 40‑hadzinny tydzień jak normu, ale dazvalaje pracadaŭcam ustanaŭlivać dla supracoŭnikaŭ da 13 pracoŭnych hadzin u dzień nie bolš za 37,5 dzion u hodzie. Pry hetym zvyšnarmatyŭnaja praca pavinna apłačvacca pa padvyšanych staŭkach.
Ministerstva pracy padkreślivaje, što novy hrafik budzie dobraachvotnym, adnak prafsajuzy bajacca, što pry słabym kantroli pracadaŭcy zmohuć naviazvać pracoŭnym dadatkovyja hadziny.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj32
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary