U Maskvie machlary pierakanali 20‑hadovuju dziaŭčynu pajści zabić žančynu
U Maskvie 20‑hadovaja Lizavieta M. pasprabavała zabić žančynu, vykonvajučy instrukcyi machlaroŭ, paviedamlaje telehram-kanał Shot.
Studentku pierakanali, što jana nibyta supracoŭničaje ź siłavymi strukturami i ŭdzielničaje ŭ «śpiecyjalnych apieracyjach» pa vyjaŭleńni «inšaziemnych ahientaŭ». 14 sakavika jany dali joj zadańnie zabić 59‑hadovuju Halinu N.
Kab vykanać zadańnie, dziaŭčyna ŭziała piarcovy bałončyk, małatok i stužku i pajšła da domu achviary. Kali haspadynia adčyniła dźviery, napadnica raspyliła bałončyk i pasprabavała ŭdaryć jaje małatkom. Adnak umiašalisia svajaki žančyny — jany zmahli spynić napad i ŭtrymlivali dziaŭčynu da pryjezdu palicyi.
Ciapier jaje zatrymali, pravodziacca ekśpiertyzy i vyvučajecca telefon. Zaviedziena kryminalnaja sprava za zamach na zabojstva, učynieny hrupaj asob pa papiaredniaj zmovie.