Biełaruski aŭtar liniejki «Siabry» zapuściŭ u Rasii vytvorčaść viski z hrečki

Biełarus Dźmitryj Zianienka, jaki stvaraŭ dla kampanii «Biełvinhrup» liniejku mocnaha ałkaholu «Siabry», a dla kazachstanskaha pracadaŭcy — anałah takajskaha vina, uznačaliŭ rasijskuju vinakurniu «Krutajar», piša vydańnie «Biełorusy i rynok».

Dźmitryj Zianienka. Fota: sb.by

Prajekt byŭ zapuščany ŭ 2025 hodzie i raźličany na vytvorčaść nie mienš za 1 miljona dał viskavych dystylataŭ. U jaho miežach na minułym tydni była zapuščanaja linija pa vytvorčaści hreckaha viski, piša vydańnie «Diełovoj Pietierburh». Hrečku dla maštabavańnia biznesu źbirajucca vyroščvać na arandavanych ziemlach u Krasnadarskim i Staŭrapolskim krajach.

«Pieršaja Ruskaja Vinakurnia Krutajar» — pradpryjemstva, stvoranaje chołdynham Ladoga na bazie nabytaha ŭ 2024 hodzie «Centr Praduktu» ŭ Budzionaŭsku Staŭrapolskaha kraja.

Chołdynh Ladoga uvachodzić u top-10 najbujniejšych u Rasii vytvorcaŭ i dystrybjutaraŭ ałkaholu. Jaho hałoŭnyja mahutnaści znachodziacca ŭ Sankt-Pieciarburhu.

Kamientary da artykuła