Viadomy biznesmien prasiŭ Polšču źniać ź jaho zabaronu na ŭjezd u Šenhienskuju zonu
Biełaruski biznesmien Valancin Bajko, uładalnik kampanii «Konte Spa», prasiŭ Polšču źniać ź jaho zabaronu na ŭjezd. Ministerstva ŭnutranych spraŭ i administracyi, adnak, nie znajšło padstaŭ dla admieny abmiežavańniaŭ. Na dziaržaŭnym partale pryvodzicca abhruntavańnie hetaha rašeńnia, piša Most.
Nacyjanalnyja sankcyi suprać Bajko 29 maja 2023 hoda ŭvioŭ kiraŭnik MUS Polščy pa zajavie kiraŭnika Ahienctva ŭnutranaj biaśpieki. Padstavaj pasłužyła siabroŭstva Bajko ŭ Saviecie Respubliki. Na hetaj pasadzie biznesmien udzielničaŭ u pryniaćci zakonaŭ, jakija abmiažoŭvajuć pravy i svabody hramadzian Biełarusi, u tym liku polskaj mienšaści.
U ministerstvie paličyli, što ŭjezd i znachodžańnie Valancina Bajko ŭ Polščy pahražajuć biaśpiecy dziaržavy i jaje mižnarodnaj pazicyi. Aktyvy biznesmiena ŭ Polščy byli zamarožanyja, a jaho samoha ŭnieśli ŭ śpis asob, niepažadanych na terytoryi krainy. Polšča ŭniesła danyja Bajko ŭ Šenhienskuju infarmacyjnuju sistemu (SIS II), što robić dla jaho niemahčymym naviedvańnie luboj z krain Šenhienskaha pahadnieńnia.
17 śniežnia 2025 hoda ŭ Ministerstva ŭnutranych spraŭ i administracyi Polščy pastupiła zajava ad jurydyčnaj firmy ŭ Buchareście (Rumynija), jakaja ad imia Valancina Bajko prasiła vyklučyć jaho danyja z Šenhienskaj infarmacyjnaj sistemy. Biznesmien śćviardžaŭ, što ŭniasieńnie jaho ŭ śpis niepažadanych asob niezakonnaje, bo nibyta adsutničaje abhruntavańnie pahrozy, jakuju jon ujaŭlaje. Bajko zajaviŭ, što sankcyi — heta dyskryminacyja za jaho parłamienckuju dziejnaść i palityčnuju prynaležnaść i što abmiežavańni niehatyŭna adbivajucca na jaho asabistym i prafiesijnym žyćci.
Kiraŭnik ministerstva znoŭ źviarnuŭsia za acenkaj u Ahienctva ŭnutranaj biaśpieki. U viedamstvie paličyli, što niama padstaŭ pasłablać albo admianiać abmiežavańni suprać Bajko, bo jon pa-raniejšamu maje mocnyja suviazi z režymam Łukašenki jak u palityčnaj, tak i ŭ biznes-śfiery.
Ministr unutranych spraŭ i administracyi pahadziŭsia z acenkaj śpiecsłužby i pakinuŭ u sile zabaronu ŭjezdu dla Valancina Bajko.
Tapuzidzis i Piatrovič stali ŭładalnikami adnaho z najbujniejšych handlovych centraŭ Homiela
«Pazyki ŭziali, viarnuć nie mohuć». Łukašenka rastłumačyŭ, što nie tak rabiŭ na «Amkadory» Alaksandr Šakucin
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Syn kašalka Łukašenki zaniaŭsia ŭ Biełarusi aŭtabiznesam
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary