Łukašenka tolki siońnia zvolniŭ ministra, jakoha pasadziŭ bolš za tydzień tamu
Pres-słužba Łukašenki 19 sakavika paviedamiła, što jon vyzvaliŭ Siarhieja Maślaka z pasady ministra pryrodnych resursaŭ i achovy navakolnaha asiarodździa. Pryčynaj nazvany ŭčynak, nie sumiaščalny ź dziaržaŭnaj słužbaj.
Siarhiej Maślak. Fota: BiełTA
Tydzień tamu, 12 sakavika, Łukašenka paviedamiŭ, što Maślak byŭ zatrymany i znachodzicca ŭ SIZA pa abvinavačańni ŭ chabarnictvie. Pavodle jaho słoŭ, čynoŭnika zatrymali «na miescy złačynstva», a sprava znachodzicca pad strohim kantrolem siłavikoŭ.
Maślak zajmaŭ pasadu ministra z krasavika 2024 hoda i adnačasova kiravaŭ kamisijaj pa baraćbie z karupcyjaj u hetym viedamstvie. Apošnija źviestki pra jaho pracu na hetaj pasadzie źjaŭlalisia ŭ pačatku sakavika.
Da hetaha jon pracavaŭ na roznych kiraŭničych pasadach u Minsku: byŭ namieśnikam kiraŭnika administracyi Zavodskaha rajona, zatym uznačalvaŭ haradski kamitet pryrodnych resursaŭ, a paśla — administracyju hetaha ž rajona.
Čytajcie taksama:
Aryštavany ministr pryrody Siarhiej Maślak
Łukašenka znoŭ apałčyŭsia na pasiarednikaŭ. Hetamu zmahańniu ŭžo chutka 20 hadoŭ
Ryžankoŭ zajaviŭ, što Biełaruś całkam moža źviazać ES z Uschodam