Ministr zamiežnych spraŭ naviedaŭ siońnia punkty propusku «Brest» i «Kazłovičy». Jon acaniŭ infrastrukturu i ŭmovy dla tych, chto pierasiakaje biełaruska-polskuju miažu, piša BiełTA.
Jon skazaŭ, što Biełaruś sa svajho boku hatova ŭ najkaraciejšyja terminy zabiaśpiečyć mahčymaści dla pierasiačeńnia bolšaj kolkaści hruzaŭ i pieramiaščeńnia hramadzian. «Miač na baku našych partnioraŭ z taho boku miažy», — padkreśliŭ kiraŭnik MZS.
Jon źviarnuŭ uvahu na toje, što ŭ śviecie ciapier niestabilnaja abstanoŭka. Biełaruś całkam moža źviazać Jeŭrapiejski sajuz z Uschodam.
«Praź Biełaruś prachodzić kalidor, jaki siońnia vielmi spakojny, na jakim jość punkty propusku, abstalavanyja pa apošnim słovie techniki i zdolnyja ahrehavać vielizarnuju kolkaść hruzaŭ na praciahu sutak. Viadoma, ja vielmi spadziajusia, što ŭ našych susiedziaŭ usio ž taki pieravažyć razumny padychod, kab zrazumieć, što samy čas hetym skarystacca. Heta pryniasie vyhadu i dla ich, i dla nas», — pierakanany Maksim Ryžankoŭ.
Jon taksama skazaŭ, što mienavita «Zachad byŭ inicyjataram abmiežavańniaŭ, jakija robiać dastaŭku hruzaŭ bolš zatratnaj i jakija stali pryčynaj zatrymak na miažy dla hramadzian i transpartu».
«Kali jany zachočuć skarystacca siońniašnim momantam i sapraŭdy praź siabie, praz Polšču i Biełaruś sfarmiravać dobry, bolš nadziejny, bolš šyroki kanał uzajemadziejańnia pa linii Zachad — Uschod, my da hetaha ŭžo dakładna hatovyja. Heta vielmi vyhadnaja tema. Čakajem ich dziejańniaŭ. Jany pavinny siabie prajavić, bo mienavita jany byli inicyjatarami ŭsich abmiežavańniaŭ», — padsumavaŭ ministr zamiežnych spraŭ Biełarusi.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki8
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary