U Kałumbii raźbiŭsia samalot z bolš čym sotniaj vajskoŭcaŭ na borcie
U Kałumbii zdaryłasia avaryja vajskova-transpartnaha samalota Lockheed Martin Hercules C-130, na borcie jakoha było 110 vajskoŭcaŭ. Ministr abarony Kałumbii Piedra Anulfa Sančes paćvierdziŭ, što samalot «paciarpieŭ trahičnuju avaryju» padčas uźlotu z aeradroma ŭ Amazonii, na miažy ź Pieru. Pra heta paviedamlaje Sky News sa spasyłkaj na miascovyja ŚMI.
Skrynšot ź videa
Pavodle miascovych ŚMI, samalot upaŭ prykładna za 3 km ad horada Puerta-Lehisama. Pakul uratavali jak minimum 20 vajskoŭcaŭ. Dakładnyja danyja pra achviar i pryčyny katastrofy jašče nie ŭstanoŭlenyja. Vajskovyja padraździaleńni ŭžo pracujuć na miescy zdareńnia, a taksama raspačata rasśledavańnie.
Na videazdymkach, raspaŭsiudžanych ŚMI, bačna, jak vajskoŭcy i paramiedyki nakiroŭvajucca da miesca padzieńnia samalota, jaki paśla avaryi zahareŭsia. Ministr vykazaŭ spačuvańni siemjam paciarpiełych i paprasiŭ nie raspaŭsiudžvać niepaćvierdžanuju infarmacyju.
Lockheed Martin C-130 Hercules — heta madel, jakaja šyroka vykarystoŭvajecca va ŭsim śviecie. Miesiac tamu anałahičny samalot u Balivii raźbiŭsia, zabraŭšy žyćci 20 čałaviek i paraniŭšy jašče 30.
Čytajcie taksama:
Siońnia Minsk pračnuŭsia ŭnačy ad mocnaha huku, padobnaha da drona
Pry sutyknieńni samalota z pažarnaj mašynaj u ńju-jorkskim aeraporcie zahinuli dva čałavieki
U Ńju-Jorku samalot Air Canada sutyknuŭsia z pažarnaj mašynaj na ŭźlotna-pasadačnaj pałasie
Pasažyry British Airways bolš za 13 hadzin lacieli ź ciełam pamierłaj na borcie žančyny