Pasažyry British Airways bolš za 13 hadzin lacieli ź ciełam pamierłaj na borcie žančyny
Na rejsie avijakampanii British Airways z Hankonha ŭ Łondan nieŭzabavie paśla ŭźlotu pamierła pasažyrka, adnak samalot praciahnuŭ palot da punkta pryznačeńnia. U vyniku pasažyry praviali ŭ pavietry kala 13 hadzin, viedajučy, što na borcie znachodzicca cieła pamierłaj, paviedamlaje The Sun.
Žančyna va ŭzroście kala 60 hadoŭ pamierła praz hadzinu paśla ŭźlotu z Hankonha. Adnak piłoty British Airways vyrašyli praciahvać palot, a nie viartacca.
Da taho času, kali Airbus A 350‑1000 nabližaŭsia da pasadki, źjavilisia skarhi na pach.
«Vidavočna, što siamja žančyny była ŭ rospačy, jak i ekipaž. Mnohija chacieli viarnucca ŭ Hankonh. Ale, kažučy ščyra, kali pasažyr užo pamior, heta nie razhladajecca jak nadzvyčajnaja situacyja», — paviedamiła krynica vydańniu.
Dumali, što rabić ź ciełam — jaho zaharnuli i pieranieśli ŭ kuchniu ŭ chvaście samalota.
Palicyja sustreła niadzielny rejs BA32 i paprasiła pasažyraŭ zastavacca na svaich miescach jašče 45 chvilin, pakul šli śledčyja dziejańni.
Usim členam ekipaža kiraŭnictva prapanavała padtrymku, pavodle The Sun, niekatoryja nie vyjšli na pracu z-za psichałahičnaj traŭmy.
Pavodle krynicy, adzinaha pratakoła abychodžańnia z pamierłym pasažyram padčas palotu nie isnuje.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku6060
Kamientary