Siońnia Minsk pračnuŭsia ŭnačy ad mocnaha huku, padobnaha da drona
Kala druhoj nočy jaho čuli ŭ roznych rajonach Minska, a bližej da treciaj nočy — na Viciebščynie.
Rankam 23 sakavika žychary roznych haradoŭ Biełarusi pačali masava pisać u Treds pra dziŭny huk u niebie, jaki jany čuli nočču. Pieršymi pra heta zahavaryli minčuki, ale chutka ŭ sacsietkach pačali adhukacca ludzi ź inšych miescaŭ.
Mnohija adznačajuć, što pračnulisia kala druhoj-treciaj hadziny nočy.
Minčuki pišuć, što dziŭny huk čuli ŭ rajonie Kamiennaj Horki, Hlebki, Kuncaŭščyny, Uručča, Labiažaha, Akademii navuk, parka Čaluskincaŭ, Kamaroŭki, Bahdanoviča i Viery Charužaj. Čaściej za ŭsio nazyvaŭsia čas kala druhoj nočy.
Adna ź minčanak pisała: «Siońnia nočču pračnułasia ad huku bieśpiłotnika za aknom. Kamiennaja Horka, chto jašče čuŭ?»
Inšaja ŭdakładniała: «U 2:01 lacieŭ nad domam na Hlebki». Jašče adna žančyna dadała: «Centralny rajon, vielmi hučny i narastajučy huk».
Chtości pisaŭ bolš emacyjna:
«Ja naŭprost padarvałasia ŭ 2:00 na parku Čaluskincaŭ, zdavałasia prosta kala akna».
«Akademija navuk. Dumała, što ŭžo treba chavacca ŭ bambaschovišča».
«Vulica Kuncaŭščyna. 02:19. Čuli, sabaka razbudziŭ nas. Vielmi afihieli», — adznačyli ŭ kamientarach.
Niekatoryja kamientatary ŭpeŭnienyja, što heta dakładna nie viertalot i nie samalot. «Centralny rajon, 2 hadziny nočy. Nikoli takoha huku nie čuła raniej. Dakładna nie mapied, i nie viertalot, i nie samalot», — napisała adna z karystalnic.
Inšaja dadavała: «Heta nie viertalot i nie matacykł. Katy taksama ŭsie padniali hałovy i zdranćvieli, prysłuchoŭvajučysia».
Byli i tyja, chto sprabavaŭ znajści bolš pobytavaje tłumačeńnie. U sacsietkach źjaviłasia viersija, što nad Minskam unačy lotaŭ viertalot MNS. Raniej «Minskenierha» paviedamlała, što ŭ stalicy z 11 sakavika pa 5 krasavika avijacyja MNS budzie dapamahać śpiecyjalistam «Minskich ciepłavych sietak» šukać paškodžańni trub, izalacyi i zatapleńni kamier.
Adna z karystalnic napisała: «Nad Instytutam kultury ŭžo dziakuj bohu adlataŭ. Z 3 nočy kružyŭ hety viertalot. Pavolna, nizka, nudna. Unačy. Skaniravańnie ciepłatras, kožny hod tak».
Ale ŭ kamientarach šmat chto pisaŭ, što huk usio ž nie padobny. Da taho ž pra padobnyja huki paviedamlali i ź inšych haradoŭ Biełarusi.
Naprykład, z Oršy pryjšło vielmi kankretnaje apisańnie: «U oršy taksama byli huki, z 2:30 da 3 dakładna. Dumaŭ viertalot lacić, albo mnie padałosia. Ale amal usia Biełaruś piša, značyć, nie padałosia. Kažuć, što heta huki bieśpiłotnika».
U Mahilovie taksama pisali pra načny huk. U adnym z kamientaroŭ skazana: «Mahiloŭ, było čuvać, kala 1:40 nočy i krychu strašna».
U kamientarach z Baranavičaŭ śćviardžajuć: «U Baranavičach padarvałasia, lacieŭ źniščalnik ci chto z takim hukam, što dumała ŭsio, u naš dom…. Užo raźvitałasia z usimi. Vielmi hučna było».
«Naša Niva» sprabavała datelefanavacca ŭ pryjomnyja słužbaŭ MNS u Minsku, ale na momant publikacyi zrabić heta nie ŭdałosia.
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram7
Kamientary
Siehodnia noċju drony priletali v Pitier. Jeśli vo vtorom času oni byli nad Minskom, a v trieťjem ich słyšali na Vitiebŝinie, to prostaja łohika hovorit, čto oni mohut byť nie rośsijskim...