Biełaruska chacieła atrymać u polskim banku ipateku, a ciapier moža sieści na piać hadoŭ
U Varšavie palicyja zatrymała dvuch čałaviek za sprobu niezakonna atrymać žyllovy kredyt. Siarod ich — 31‑hadovaja hramadzianka Biełarusi i kredytny pasiarednik. Jany padazrajucca ŭ machlarstvie, bo dziejničali razam i vykarystoŭvali padroblenyja dakumienty, paviedamlaje varšaŭskaja palicyja.
Zatrymańnie biełaruski. Fota: Komenda Stołeczna Policji
Polskija pravaachoŭniki vyśvietlili, što žančyna padała ŭ bank falšyvyja źviestki pra dachody ad svajoj pradprymalnickaj dziejnaści, značna zavysiŭšy ich, kab atrymać kredyt na sumu bolš za 535 tysiač złotych (kala 146 tysiač dalaraŭ). Dakumienty ŭ bank ad jaje imia pieradaŭ pasiarednik.
Biełarusku z pasiarednikam zatrymali ŭ toj momant, kali jany pryjšli ŭ bank, kab zaviaršyć afarmleńnie i padpisać kredytnuju damovu. Paśla praviadzieńnia nieabchodnych pracedur abodvum vystavili abvinavačańnie ŭ kredytnym machlarstvie. Im pahražaje da 5 hadoŭ pazbaŭleńnia voli.
Čytajcie taksama:
U siecivie ludziej łoviać na rozyhryš nibyta ad imia «Jeŭraopta»
Minskaja piensijanierka zapłaciła vykup za «arabskaha miljaniera». Jon raźvioŭ jaje dvojčy
Milicyja papiaredziła pra machlarskuju schiemu «vypadkovaha pieravodu»