U Minadukacyi patłumačyli, čamu ŭ miedycynskija VNU nie buduć nabirać płatnikaŭ
Načalnik Hałoŭnaha ŭpraŭleńnia prafiesijnaj adukacyi Ministerstva adukacyi Biełarusi Siarhiej Piščoŭ u efiry telekanała STB adkazaŭ na pytańnie, ci praŭda, što ŭ miedycynskija VNU Biełarusi nie buduć nabirać pieršakurśnikaŭ-płatnikaŭ. Heta raniej stała viadoma paśla Adzinaha dnia abituryjenta ŭ vyšejšych navučalnych ustanovach.
Siarhiej Piščoŭ. Fota: STB
Siarhiej Piščoŭ infarmacyju paćvierdziŭ:
«Tak, sapraŭdy, nieabchodna adznačyć, što kantrolnyja ličby pryjomu, heta značyć biudžetnyja miescy i miescy na płatnaj asnovie, farmujucca našymi zakazčykami i našymi ŭstanovami vyšejšaj adukacyi pa stroha vybudavanym ałharytmie. Heta značyć, uličvajecca pierśpiektyŭnaja patreba kadravaja ŭ śpiecyjalistach pa kožnaj śpiecyjalnaści. I ŭ dalejšym zasnavalniki (u hetaj situacyi — Ministerstva achovy zdaroŭja) zaćviardžajuć kantrolnyja ličby pryjomu».
Pradstaŭnik Minadukacyi nahadaŭ, što padrychtoŭka śpiecyjalistaŭ tolki za košt srodkaŭ respublikanskaha biudžetu charakternaja dla šerahu VNU:
«Pa takoj ža schiemie ŭ nas ažyćciaŭlajecca padrychtoŭka kadraŭ dla ahrarnaha kompleksu, dla piedahahičnych śpiecyjalnaściaŭ».
Što tyčycca miedycynskich VNU, to Piščoŭ nahadaŭ, što ich vypusknikoŭ čakaje «dalejšaja praktyka, aryjentavanaje navučańnie».
«U suviazi z hetym takoje rašeńnie zasnavalnik pryniaŭ», — padkreśliŭ čynoŭnik.
Čytajcie taksama:
U BDMU admianiajuć płatnaje navučańnie na daktaroŭ
Za piać apošnich hadoŭ biełarusy stali značna mienš chvareć na tubierkuloz
Biełaruskam daduć dźvie biaspłatnyja sproby zaciažaryć praz EKA