Za piać apošnich hadoŭ biełarusy stali značna mienš chvareć na tubierkuloz
Za apošnija piać hadoŭ zachvorvańnie na tubierkuloz u Biełarusi źniziłasia na 19%. Pra heta paviedamiła dyrektarka Respublikanskaha navukova-praktyčnaha centra pulmanałohii i ftyzijatryi, hałoŭnaja pazaštatnaja ftyzijatrka Ministerstva achovy zdaroŭja Biełarusi Alena Krotkava.
Alena Krotkava adznačyła, što ŭ Biełarusi stvoranaja dakładnaja sistema rańniaha vyjaŭleńnia tubierkulozu i akazańnia miedycynskaj dapamohi pacyjentam.
Biełaruskija mietady rańniaj dyjahnostyki i lačeńnia tubierkulozu ŭklučanyja ŭ rekamiendacyi SAAZ. Za 2025 hod zachvorvańnie składała 13,2 vypadki na 100 tysiač nasielnictva. Pavysilisia pakazčyki efiektyŭnaści lačeńnia — na 15%, a śmiarotnaść źniziłasia na 18,2%, składajučy mienš za adzin vypadak na 100 tysiač nasielnictva.
Adnak prablema lekavaj ustojlivaści tubierkulozu taksama isnuje: štohod vyjaŭlajuć kala 400 vypadkaŭ.
Pry hetym usie miedycynskija pasłuhi prafiłaktyki, dyjahnostyki i lačeńnia tubierkulozu zastajucca biaspłatnymi dla hramadzian, a dziaržava pakryvaje ŭsie vydatki — ad abśledavańnia da składanych apieracyj i praciahłaha kursu chimijaterapii sučasnymi preparatami.
Kamientary