Tramp zajaviŭ, što choča brać udzieł u kiravańni Iranam

Prezident ZŠA Donald Tramp zajaviŭ, što paśla zakančeńnia vajny Vašynhton chacieŭ by ŭdzielničać u kiravańni Iranam. Pavodle jaho słoŭ, u krainie moža adbycca značnaja źmiena ŭłady i navat źjavicca sumiesnaje kiraŭnictva z udziełam ZŠA.

Donald Tramp. Fota: AP Photo/Mark Schiefelbein

Tramp adznačyŭ, što ŭ takim vypadku kantrol nad Armuzskim pralivam moža być padzieleny pamiž amierykanskim bokam i iranskimi ŭładami.

Amierykanski prezident dadaŭ, što ZŠA chacieli b upłyvać na vybar novaha lidara Irana. Jon pravioŭ paralel ź Vieniesuełaj i adznačyŭ, što maje niekalki kandydatur, ale nie raskryŭ ich. Pry hetym palityk padkreśliŭ, što pradstaŭniki ciapierašniaj ułady Irana nie zadavalniajuć ZŠA.

Hetyja zajavy prahučali paśla taho, jak ZŠA prypynili ŭdary pa iranskaj enierhietyčnaj infrastruktury i pačali mirnyja pieramovy z Tehieranam. Pavodle Trampa, baki abmiarkoŭvajuć poŭnaje zaviaršeńnie kanfliktu.

Pavodle infarmacyi ŚMI, novy raŭnd pieramoŭ moža adbycca ŭ najbližejšy čas u Pakistanie. Taksama jość źviestki, što ZŠA raźličvajuć zaviaršyć vajnu ŭ pačatku krasavika.

Kamientary da artykuła