Tehieran abviarhaje słovy Trampa: «Nijakich pieramoŭ niama, jon adstupiŭ z-za našych pahroz»
Iranskija dziaržaŭnyja miedyja vystupili z abviaržeńniami paśla słoŭ Donalda Trampa pra nibyta paśpiachovyja pieramovy ź Iranam. Pavodle infarmacyi Tehierana, nijakich kantaktaŭ z Vašynhtonam nie adbyvałasia, a źmiena rytoryki Biełaha doma vyklikanaja vyklučna stracham pierad maštabnym udaram u adkaz.
Ahienctva Fars śćviardžaje, što pamiž bakami niama «ni pramoj, ni ŭskosnaj suviazi praz pasiarednikaŭ». Pavodle danych ahienctva, Tramp addaŭ zahad adkłaści ŭdary tolki paśla taho, jak pačuŭ papiaredžańnie:
u vypadku ataki na iranskija abjekty celami ŭdaraŭ Tehierana stanuć usie elektrastancyi na Blizkim Uschodzie.
Ahienctva Tasnim sa spasyłkaj na ŭłasnuju krynicu paćviardžaje, što «nijakich pieramoŭ nie było i niama». Surazmoŭca ahienctva zajaviŭ, što amierykanski prezident admoviŭsia ad bambardzirovak enierhietyčnaj infrastruktury Irana, kali zrazumieŭ, što iranskija pahrozy «nabyli pierakanaŭčaść».
Akramia vajennaj pahrozy, krynicy Tasnim nazyvajuć jašče niekalki pryčyn adstupleńnia Trampa.
Siarod ich — mocny cisk z boku finansavych rynkaŭ i krytyčnaja situacyja z suśvietnymi cenami na enierhanośbity.
Iranskija aficyjnyja asoby padkreślivajuć, što z pačatku kanfliktu praz pasiarednikaŭ pieradavalisia paviedamleńni, na jakija Tehieran davaŭ niaźmienny vyrazny adkaz: kraina budzie praciahvać abaronu i nie pojdzie na sastupki pad ciskam.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień11
Kamientary