«Homsielmaš» płanuje patracić bolš za paŭmiljona dalaraŭ na ramont dachu svajho Pałaca kultury
Pradpryjemstva «Homsielmaš» abviaściła tendar na budaŭniča-mantažnyja raboty ŭ budynku svajho filijała na praśpiekcie Kasmanaŭtaŭ. Płanujecca pravieści kapitalny ramont dachu, piša «Fłahštok».
DK «Homsielmaša». Fota: Jandeks.Karty
Raboty pavinny pačacca ŭžo ŭ kancy sakavika i zaviaršycca da vieraśnia 2026 hoda. Na heta z ułasnych srodkaŭ zavod nakiruje bolš za 1 miljon 626 tysiač rubloŭ (kala 540 tysiač dalaraŭ).
Prajekt praduhledžvaje poŭnuju zamienu dachu na mietaličny, abnaŭleńnie draŭlanaj abrašotki, ramont krokviennaj sistemy, zamienu ŭciaplalnika i ŭładkavańnie aśviatleńnia na haryščy.
Pałac kultury «Homsielmaša» — važny abjekt dla rajona: tam prachodziać roznyja mierapryjemstvy i dziejničajuć tvorčyja kalektyvy. Budynak byŭ adkryty ŭ 1960 hodzie i maje vialikuju zału na 420 miescaŭ, małuju — na 130, a taksama kala 15 pamiaškańniaŭ dla hurtkoŭ i zaniatkaŭ.
Čytajcie taksama:
Miniust Ukrainy patrabuje kanfiskavać aktyvy «Homsielmaša»