Eduard Palčys viarnuŭsia ŭ tvitar
Mienavita za błohierskuju dziejnaść u kancy 2021 hoda biełaruskija ŭłady prysudzili Eduardu Palčysu 13 hadoŭ kałonii.
«Vas navat i na 5 hadoŭ nielha pakinuć adnych», — pažartavaŭ Palčys i pavinšavaŭ usich z Dniom Voli.
Taksama Eduard padziačyŭ usim, chto dapamahaŭ hetyja 5 hadoŭ jaho siamji.
«Nievierahodna ŭdziačny Hospadu za toje, što jon mnie pakazaŭ za hety čas lepšych ludziej nacyi. Nu i horšych taksama.
Mnie vielmi doŭha i šmat kamu pryjdziecca kazać «Dziakuj». Kamuści i da kanca žyćcia.
Ale vielmi šmat našych jašče tam. I momant vyzvaleńnia nie byŭ radasnym na 100%», — napisaŭ jon u byłym tvitary, ciapierašniaj sietcy Ch.
Błohier Eduard Palčys znachodziŭsia za kratami ź vieraśnia 2020 hoda. Sud, jaki adbyŭsia ŭ kancy 2021 hoda, prysudziŭ jamu 13 hadoŭ kałonii.
Kali Eduard byŭ u źniavoleńni, u jaho naradziłasia dačka.
Jaho vyzvalili 19 sakavika paśla vizitu ŭ Biełaruś śpiecpradstaŭnika ZŠA Džona Koŭła. U liku 15 palitviaźniaŭ Palčysa departavali z krainy.