U Biełarusi padčas viasnovaj pavodki pad vadu pajšli jak minimum dva aŭtamabilnyja masty, paviedamili ŭ pres-słužbie MNS.
Adno padtapleńnie adbyłosia ŭ Loźnienskim rajonie kala vioski Kučynščyna, dzie raźliłasia raka Ardyšoŭka. Vada padniałasia nastolki, što pakryła darožnaje pałatno mosta prykładna na 25 santymietraŭ.
Pavodle infarmacyi ratavalnikaŭ, niebiaśpieki dla žyłych damoŭ i dvaroŭ niama. U vioscy, da jakoj viadzie hety most, žyvuć tolki dva čałavieki. Adzin ź ich časova znachodzicca ŭ svajakoŭ.
Ciapier da nasielenaha punkta možna dabracca tolki praź piešachodny padviesny most cieraz raku Łučosa. Supracoŭniki MNS praciahvajuć nazirać za hidrałahičnaj situacyjaj u hetym rajonie.
Padobny vypadak zafiksavany taksama ŭ Mścisłaŭskim rajonie. Tut padtopleny nizkavodny most praz raku Sož, a taksama ŭčastak darohi pamiž vioskami Paradzina i Zasožža kala vioski Paradzina. Most znachodzicca prykładna za kiłamietr ad jaje i viadzie ŭ viosku Zasožža, ale ciapier jon całkam zatopleny.
Paviedamlajecca, što ŭ samoj vioscy Zasožža nichto nie žyvie i tam niama dačnych damoŭ. Takija padtapleńni adbyvajucca amal štohod padčas raźlivu Soža, bo most pieršapačatkova byŭ sprajektavany jak nizkavodny.
Pa stanie na 15 sakavika ŭzrovień vady nad darožnym pakryćciom mosta składaŭ kala 15—20 santymietraŭ, tamu prajezd transpartu staŭ niemahčymy. Z 16 sakavika ruch praz most aficyjna zabaronieny, a darohu pierakryjuć adpaviednymi darožnymi znakami.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii15
Kamientary