Pakazali pieršy tyzier novaha sieryjała pra Hary Potera VIDEA
Pieršy siezon sieryjała budzie nazyvacca «Hary Poter i fiłasofski kamień» i składacca z vaśmi sieryj.
Skrynšot ź videa
U roliku pakazany klučavyja sceny z pačatku historyi: znajomstva Hary z Ronam i Hiermijonaj, sustreča z Chahrydam, atrymańnie čaroŭnaj pałački i raźmierkavańnie pa fakultetach u Chohvartsie.
Prajekt pa matyvach hetaj historyi anansavali jašče ŭ 2023 hodzie. Premjera zapłanavanaja na Kalady 2026 hoda na płatformie HBO Max.
Hałoŭnuju rolu Hary Potera ŭ hetym sieryjale vykanaje Daminik Makłaflin, a jaho siabroŭ — Rona Uiźli i Hiermijonu Hrejndžer — syhrajuć Ałastar Staŭt i Arabieła Stentan.
Dla vybaru akcioraŭ na hałoŭnyja roli praviali maštabny kastynh, u jakim udzielničali bolš za 30 tysiač dziaciej.
Stvaralniki sieryjała abiacali zrabić jaho maksimalna nabližanym da knih Džaan Roŭlinh. Kožny siezon budzie pryśviečany asobnaj častcy siamitomnaj historyi. Siarod inšaha ŭ sieryjał płanavali ŭklučyć sceny i detali, jakich nie było ŭ aryhinalnych filmach.
Čytajcie taksama:
Kaniec halivudskaj dramy: Warner Bros budzie nabyta Paramount, a nie Netflix
Małfoj z «Hary Potera» staŭ niečakanym simvałam Novaha hoda ŭ Kitai
Stała viadoma, kali vyjdzie pieršy siezon novaha sieryjała «Hary Poter»