Stała viadoma, kali vyjdzie pieršy siezon novaha sieryjała «Hary Poter»
Pieršy siezon sieryjała «Hary Poter» vyjdzie na pačatku 2027 hoda, pra heta vydańniu Deadline paviedamiŭ Kiejsi Błojs, hienieralny dyrektar HBO.
Na praciahu apošniaha hoda, pakul pisali scenar, padbiraŭsia akciorski sastaŭ i zapuskaŭsia vytvorčy praces, dataj premjery adznačaŭsia 2027 hod. Ciapier terminy stali viadomyja dakładniej.
«Kali zvuzić koła, ja b skazaŭ, što heta pačatak 2027 hoda. I ciapier vy spytajecie, ci heta studzień, luty, sakavik, krasavik. Ale na heta my pakul nie hatovy adkazać. Ja tolki skažu, što heta pačatak 2027 hoda», — skazaŭ hiendyrektar HBO.
Daminik Makłaflin atrymaŭ rolu Hary Potera, Ałastar Staŭt — Rona Uiźli, a Arabeła Stentan — Hiermijony Hrejndžer.
Taksama ŭ šou zdymajucca Paapa Eśjedu, Džon Lithou i Džaniet Makcir.
Šouranieram sieryjała stała Frančeska Hardynier, viadomaja pa pracy nad sieryjałam «Naščadki».
Kožnaja ź siami knih pra Hary Potera budzie pakazana ŭ asobnym siezonie. Zdymki pačalisia letam 2025 hoda ŭ Vialikabrytanii.
Džoan Roŭlinh vystupaje ŭ jakaści vykanaŭčaha pradziusara. Raniej aŭtar knih padzialiłasia pieršymi ŭražańniami pra sieryjał. «Ja pračytała pieršyja dźvie sieryi budučaha sieryjału, i jany nievierahodna dobryja», — napisała jana ŭ X.
Kilijan Miorfi moža syhrać Vałdemorta?
HBO pakazaŭ akcioraŭ, jakija syhrajuć Hary Potera i jahonych siabroŭ Rona i Hiermijonu ŭ novym sieryjale
«U mianie nie było miljonaŭ u 14 hadoŭ». Džaan Roŭlinh adchiliła sprobu Emy Uotsan pamirycca paśla svarki vakoł transfobii
Džaan Roŭlinh zastałasia ŭ poŭnym zachapleńni ad scenaryjaŭ pieršych epizodaŭ sieryjała pra Hary Potera
Kamientary
Nu choć Hary i Ron zastalisia naturalna biełymi.