«Kali b vam udałosia tady adbicca, našy narody byli b siońnia razam u ES». Litoŭskaja jeŭradeputatka pavinšavała biełarusaŭ pa-biełarusku
Deputatka Jeŭraparłamienta ad Litvy Rasa Jukniavičenie, jakaja ŭ 2008‑2012 hadach była ministarkaj abarony hetaj krainy, na svajoj staroncy ŭ fejsbuku pavinšavała biełarusaŭ z Dniom Voli, napisaŭšy svoj post pa-biełarusku.
Takoj vyjavaj Rasa Jukniavičenie prailustravała svoj post, za što jaje adrazu ž u kamientarach pačali atakavać zmahary z tak zvanym «lićvinizmam»
«Darahija maje biełarusy!
Ad usioj dušy vinšuju vas z Dniom vašaj niezaležnaj dziaržaŭnaści.
Vy vyrašyli adnavić svaju dziaržavu krychu bolš čym praź miesiac paśla našaha 16 lutaha.
Kali b vam tady ŭdałosia adbić balšavikoŭ, našy narody, chutčej za ŭsio, byli b siońnia razam u Jeŭrapiejskim Sajuzie. Adnak ja vieru, što rana ci pozna heta adbudziecca.
Vaš narod u 2020 hodzie pakazaŭ, što nacyja žyvaja. Režymy ŭpaduć, Jeŭropa budzie praciahvać abjadnoŭvacca, i vašy namahańni viarnucca na jeŭrapiejskuju kartu ŭ jakaści demakratyčnaj dziaržavy nie buduć marnymi.
U vas šmat siabroŭ u Jeŭropie i ŭ majoj krainie, Litvie.
Žyvie Biełaruś!», — napisała Rasa Jukniavičenie.
Čytajcie taksama:
Jak biełarusy ŭ Vilni adznačyli Dzień Voli ŠMAT FOTA
U Varšavie Pałac kultury i navuki padśviacili bieł-čyrvona-biełymi kolerami FOTAFAKT
U Jeŭraparłamiencie na Dzień Voli vystupili ŭ padtrymku biełarusaŭ
Ułady Prahi na 25 sakavika ŭźniali bieł-čyrvona-biełyja ściahi