U byłoha biełsataŭca Pranoviča doma znajšli niekalki sotniaŭ hramaŭ psichatropaŭ, u tym liku narkotyk-zombi
Polskaje telebačańnie paviedamiła, što ŭ Varšavie palicyja zatrymała 33‑hadovaha mužčynu, u jakoha ŭ kvatery znajšli vialikuju kolkaść narkotykaŭ, u tym liku niebiaśpiečnaje rečyva pad nazvaj fłaka (flakka). Havorka idzie pra televiadučaha Michaiła Pranoviča, pra zatrymańnie jakoha paviedamlałasia raniej.
Psichatropnyja substancyi ŭ kvatery ŭ varšaŭskim rajonie Vola. Fota: Komenda Rejonowa Policji IV — Bemowo, Wola
Padčas pieratrusu supracoŭniki znajšli ŭ mužčyny niekalki sotniaŭ hramaŭ roznych psichatropnych rečyvaŭ, najaŭnyja hrošy i elektronnyja vahi.
Łabaratornyja daśledavańni pakazali, što adno z rečyvaŭ — heta a-PVP (flakka), viadomaje jak narkotyk-zombi. Heta mocny sintetyčny narkotyk, uździejańnie jakoha na arhanizm jašče nie da kanca vyvučana, paviedamlajuć polskija siłaviki.
Pranoviču vystavili abvinavačańnie ŭ zachoŭvańni vialikaj kolkaści psichatropnych rečyvaŭ. Pakul što jon aryštavany na try miesiacy.
Za takoje złačynstva ŭ Polščy moža pahražać da 10 hadoŭ pazbaŭleńnia voli.
Michaiłu Pranoviču 32 hady. Chłopiec vučyŭsia na fakultecie žurnalistyki BDU, supracoŭničaŭ z STB, a paśla adpraviŭsia skarać Maskvu. U Rasii jon pracavaŭ na kanałach «RIEN TV» i «Mir 24». U 2020‑m Michaił pryjšoŭ na «Biełsat», dzie vioŭ efiry ŭ ruskamoŭnaj redakcyi kanała «Vot tak». Hod tamu Pranovič pakinuŭ «Biełsat» i žurnalistyku.
Čytajcie taksama:
Byłoha viadučaha «Biełsata» zatrymali ŭ Polščy za narkotyki
U Polščy zatrymali biełarusa, jaki chacieŭ pierasłać amal paŭkiłahrama narkotykaŭ