U Polščy zatrymali biełarusa, jaki chacieŭ pierasłać amal paŭkiłahrama narkotykaŭ
U Varšavie supracoŭniki kryminalnaha adździeła rajona Makotaŭ zatrymali 21-hadovaha mužčynu, jaki sprabavaŭ pierasłać narkatyčnyja i psichatropnyja rečyvy inšaj asobie praz pasyłkavuju słužbu.
Zatrymańnie adbyłosia, kali mužčyna sprabavaŭ adpravić pasyłku z narkotykami praz paštamat. Taksama ŭ jaho była z saboj marychuana.
Pry praviadzieńni inšych słužbovych mierapryjemstvaŭ palicejskija źviarnuli ŭvahu na padazronaha mužčynu kala paštamata. Kali jon zaŭvažyŭ, što za im nazirajuć, to pastaviŭ pasyłku ŭ adnu ź jačejek i pasprabavaŭ uciačy, ale biespaśpiachova. Kali palicejskija zatrymali jaho, mužčyna admoviŭsia adkazvać na pytańni, nazyvać imia abo miesca žycharstva. U jaho zaplečniku znajšli vysušanuju raślinnuju masu zialona-buraha koleru.
Dalejšyja dziejańni pakazali, što zatrymany — 21-hadovy hramadzianin Biełarusi. Pasyłku, jakuju jon sprabavaŭ adpraŭlać, palicejskija adkryli i kanfiskavali. U joj znachodziłasia amal 400 hram narkatyčnych i psichatropnych rečyvaŭ, uklučajučy kanopli, 4-MCM, α-PVP, MDMA i LSD.
Mužčynu abvinavacili ŭ vałodańni narkotykami i ŭ sprobie pieradačy ich u značnaj kolkaści inšaj asobie. Jamu pahražaje da 8 hadoŭ pazbaŭleńnia voli. Ciapier ža biełarus źmieščany pad časovy aryšt.
Žonka Statkieviča raskazała, pra što paśpieła parazmaŭlać ź im13
Kamientary