Biełaruś adkryje ŭ KNDR pasolstva i pačnie damaŭlacca pra biaźviz

Ministr zamiežnych spraŭ Biełarusi Maksim Ryžankoŭ raskazaŭ pra zadačy, pastaŭlenyja pierad jahonym viedamstvam pa vynikach pieramoŭ Alaksandra Łukašenki z Kim Čen Ynam u Pchieńjanie.

Fota: KCNA

Siarod akreślenych dla MZS zadač Ryžankoŭ nazvaŭ adkryćcio biełaruskaha pasolstva ŭ KNDR, adznačyŭšy, što paŭnočnakarejskaje dyppradstaŭnictva ŭžo doŭhi čas pracuje ŭ Minsku.

Taksama Ministerstva zamiežnych spraŭ paskoryć pracu nad pahadnieńniem ab biaźvizavych pajezdkach hramadzian Biełarusi i KNDR.

Kiraŭnik MZS adznačyŭ, što baki majuć namier abapiracca na padpisanuju damovu ab družbie i supracoŭnictvie, kab raskryć uvieś kompleks pytańniaŭ, dzie jość patencyjał dla ŭzajemnaj padtrymki ŭ realizacyi met raźvićcia.

Siarod pierśpiektyŭnych kirunkaŭ — miedycynskaja śfiera, adukacyja, a taksama sielskaja haspadarka.

«Ich hetak ža chvaluje, jak i nas, tema zabieśpiačeńnia charčovaj biaśpieki. Tut my možam im akazać sadziejničańnie i padstavić plačo. U achovie zdaroŭja ich vielmi cikaviać našy napracoŭki», — zajaviŭ Maksim Ryžankoŭ.

Kamientary da artykuła