Łukašenka, jaki viečna niezadavoleny biełarusami, pachvaliŭ paŭnočnakarejski narod
Łukašenka pradkazaŭ KNDR «vialikuju budučyniu z pracavitym, dyscyplinavanym narodam».
Alaksandr Łukašenka, jaki ŭvieś čas narakaje na biełarusaŭ, u KNDR narešcie znajšoŭ najlepšy varyjant.
«Ja vam mahu skazać, jak čałaviek, jaki ŭžo ŭsio ŭ hetym śviecie bačyŭ, — vašu krainu čakaje vialikaja budučynia z hetym pracavitym, dyscyplinavanym narodam», — skazaŭ jon.
U Paŭnočnaja Karei jon pabačyŭ jašče i toje, čaho bolš u śviecie nichto nie bačyć.
«Ja ŭbačyŭ, — vy ŭmiejecie rabić usio. I vy robicie heta tak, jak nichto ŭ śviecie. Heta nie danina pavahi našym pieramovam. Heta sapraŭdy vynikaje z maich nazirańniaŭ», — zapeŭniŭ jon.
Alaksandr Łukašenka skazaŭ, što, niahledziačy na hieahrafičnuju addalenaść, biełaruski i karejski narody zbližajuć ahulnyja intaresy — patryjatyzm i pavaha da historyi. Pavodle jaho słoŭ, siabroŭskija suviazi, jakija zaradzilisia jašče ŭ časy Savieckaha Sajuza, nikoli nie pieraryvalisia.
Jon anasavaŭ «pryncypova novy etap» adnosin.
«Siońnia ŭ vyniku ŭsiebakovaha pastupalnaha raźvićcia my pierachodzim na pryncypova novy etap. Ź vialikim spaźnieńniem, ale tym nie mienš pierachodzim», — skazaŭ Alaksandr Łukašenka.
«Našy ekanomiki ŭzajemadapaŭnialnyja, my patrebnyja adzin adnamu. I ŭ hetym kirunku davajcie zrobim vysnovy ź minułaha, sa svaich pamyłak. I zrobim usio dla taho, kab adnosiny pamiž Karejskaj Narodna-Demakratyčnaj Respublikaj i Respublikaj Biełaruś byli ŭzornymi», — dadaŭ jon.
Jon patłumačyŭ, što ŭ sučasnych realijach, kali «mocnyja śvietu hetaha» ihnarujuć mižnarodnaje prava, niezaležnym krainam nieabchodna ŭzajemadziejničać bolš ščylna dla abarony suvierenitetu.
Alaksandr Łukašenka zajaviŭ, što raźvićcio adnosin z KNDR budzie iści biez ahladki na mierkavańnie inšych krain.
«Ja, jak i Vy, prychilnik taho, kab my raźvivali našy adnosiny, nie azirajučysia na inšyja krainy, jakija, viadoma, buduć nie ŭ zachapleńni ad našych adnosin. Tamu što jany — kankurenty. Našy ekanomiki ŭzajemadapaŭnialnyja, my patrebnyja adzin adnamu. My zrobim vysnovy ź minułaha i zrobim usio dla taho, kab adnosiny pamiž KNDR i Biełaruśsiu byli ŭzornymi», — skazaŭ jon.
Kim Čen Yn dadaŭ, što abiedźvie krainy imknucca da budaŭnictva šmatpalarnaha śvietu i majuć padobnyja pozirki na mižnarodny paradak.
«Dumaju, što heta słužyć pieradumovaj mahčymaści dalejšaha pašyreńnia i raźvićcia dvuchbakovych adnosin u adpaviednaści z uzajemnymi intaresami dźviuch krain», — skazaŭ jon.
Jon vykazaŭ «poŭnuju padtrymku» dziejańniam Minska i vystupiŭ suprać sankcyj dla Biełarusi.
«My vystupajem suprać niepravamiernaha cisku na Biełaruś z boku Zachadu i vykazvajem padtrymku i razumieńnie mieram kiraŭnictva Biełarusi, nakiravanym na sacyjalna-palityčnuju stabilnaść», — zajaviŭ Kim Čen Yn.
Kim Čen Yn taksama adznačyŭ pośpiechi Biełarusi ŭ abaronie suvierennych pravoŭ i raźvićci ekanomiki.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary
hosudarstvieńniki iz khb łukašienko sohłasny i odobriajut takoj podchod.
A jašče hałoŭnaja mara łukavaha heta atrymać ad Yna jadernuju bombu i rakietu kab jamu, łukavamu, było zručniej haŭkać ŭ bok Eŭraźviazu i Ukrainy i kab nijakaja Nata nie pahražała jamu i jahonamu vyvadku ździekavacca nad Biełaruśsiu i katavać biełaruski narod, stol nienavisny jamu i jahonamu tabaru.