Hramadzian Biełarusi evakujavali ź Irana razam z rasijskimi atamščykami
Ź Irana evakujavali 164 supracoŭnikaŭ dziaržaŭnaj karparacyi «Rasatam», jakija pracavali na iranskaj atamnaj elektrastancyi ŭ Bušery. Evakuacyja pravodziłasia praz terytoryju Armienii, paviedamiła pasolstva Rasii ŭ hetaj krainie.
Bušerskaja AES u Iranie. Fota ilustracyjnaje
Pavodle infarmacyi pasolstva Rasii ŭ Armienii, 27 sakavika dziakujučy sumiesnym dziejańniam rasijskich dypłamataŭ i armianskaha boku hetyja ludzi pierasiakli miažu i prybyli ŭ Armieniju, adkul śpiecyjalnym rejsam vylecieli ŭ Maskvu.
Razam z hramadzianami Rasii byli evakujavanyja taksama hramadzianie Biełarusi, Tadžykistana i Uźbiekistana.
Rasijskaje pasolstva vykazała padziaku ŭładam Armienii za dapamohu i apieratyŭnaje afarmleńnie ŭjezdu dla supracoŭnikaŭ «Rasatama».
Razam z tym kiraŭnik Mižnarodnaha ahienctva pa atamnaj enierhii Rafael Hrosi vykazaŭ surjoznuju zakłapočanaść z-za vajennych udaraŭ kala stancyi ŭ Bušery, apošni ź jakich adbyŭsia 24 sakavika.
Čytajcie taksama:
12 amierykanskich vajskoŭcaŭ paranienyja ŭ vyniku ataki na avijabazu ŭ Saudaŭskaj Aravii
U Iranie patłumačyli źniknieńnie novaha viarchoŭnaha lidara
Mierc abvinavaciŭ Trampa ŭ «maštabnaj eskałacyi» kanfliktu ź Iranam
ZŠA mohuć paćvierdzić źniščeńnie kala traciny rakietnaha arsienału Irana