Pradstaŭnik Irana pry AAN u Ženievie Ali Bachreni zajaviŭ, što novy viarchoŭny lidar Madžtaba Chamieniei nie źjaŭlajecca na publicy z-za mier biaśpieki.
Pavodle słoŭ Bachreni, niahledziačy na adsutnaść Chamieniei ŭ publičnaj prastory, jon praciahvaje vykonvać svaje abaviazki, paviedamlaje CNN.
«Pryčynaj jaho adsutnaści na publicy źjaŭlajecca zachavańnie mier biaśpieki ŭ suviazi ź ciapierašnimi asablivymi abstavinami», — rastłumačyŭ pradstaŭnik Irana pry AAN.
Novym viarchoŭnym lidaram Irana byŭ abrany syn likvidavanaha Ali Chamieniei — Madžtaba Chamieniei. Usiaho tydzień tamu jon druhi raz z momantu pryznačeńnia źviarnuŭsia da naroda bieź videa ci aŭdyjo, što ŭzmacniła sumnievy ŭ jaho dziejazdolnaści.
Paviedamlałasia, što jon mocna paranieny. Taksama pisałasia, što Madžtaba Chamieniei cudam vyžyŭ padčas ataki na svoj bunkier. Jon paśpieŭ pakinuć abjekt za ličanyja siekundy da ŭdaru, adnak padčas hetaj rakietnaj ataki zahinuli jaho žonka, syn i baćki.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary