Zialenski: Pakul pieranakiravańnia zbroi z Ukrainy na Blizki Uschod niama, a tam pabačym
Prezident Ukrainy Uładzimir Zialenski ŭ razmovie z žurnalistami zajaviŭ, što ZŠA pakul što nie pieranakiroŭvali zbroju, pryznačanuju dla Ukrainy, na Blizki Uschod. Adnak jon adznačyŭ, što situacyja ŭ budučyni moža zaležać ad mnohich faktaraŭ, i najpierš ad taho, kolki budzie doŭžycca vajna, piša «Interfaks-Ukraina».
Uładzimir Zialenski. Fota: Sean Gallup / Getty Images
Pavodle słoŭ Zialenskaha, pakul niespryjalnych dla Ukrainy dziejańniaŭ nie adbyvałasia, ale pradkazać dalejšaje raźvićcio padziej składana. Jon vykazaŭ nadzieju, što padobnych rašeńniaŭ i nadalej nie budzie, padkreśliŭšy, što ZŠA ŭžo i tak vykarystoŭvajuć značnyja abjomy ŭzbrajeńnia.
Uładzimir Zialenski taksama dadaŭ, što Ukraina razumieje, čaho choča Iran ad supracoŭnictva z Rasijaj, i heta taksama ŭpłyvaje na situacyju jak va Ukrainie, tak i na Blizkim Uschodzie.
U svaju čarhu dziaržaŭny sakratar ZŠA Marka Rubia taksama ŭčora rašuča asprečyŭ, što Vašynhton užo pačaŭ pieranakiroŭvać zbroju dla Ukrainy z-za kanfliktu na Blizkim Uschodzie, ale dapuskaje, što takaja mahčymaść u budučyni isnuje.
Čytajcie taksama:
Rubia paćvierdziŭ, što ZŠA mohuć pieranakiravać zbroju, pryznačanuju dla Ukrainy, na Blizki Uschod
Pientahon moža pieranakiravać pastaŭki zbroi, pryznačanaj dla Ukrainy, u Iran