Pientahon moža pieranakiravać pastaŭki zbroi, pryznačanaj dla Ukrainy, u Iran
U Ministerstvie abarony ZŠA abmiarkoŭvajuć mahčymaść pieranakiravać rakiety dla sistem Patriot, jakija pryznačalisia Ukrainie, na Blizki Uschod. Pakul kančatkovaje rašeńnie nie pryniataje, ale takaja ideja ŭžo razhladajecca, piša The Washington Post, spasyłajučysia na try infarmavanyja krynicy.
Hetyja rakiety pavinny byli pastaŭlacca pa prahramie NATA, pry jakoj jeŭrapiejskija krainy finansujuć zakupku amierykanskaj zbroi dla Ukrainy. Adnak ciapier častku hetych srodkaŭ ZŠA mohuć vykarystać dla ŭłasnych patreb.
Pryčyna — vialikija vydatki bojeprypasaŭ u kanflikcie na Blizkim Uschodzie. Za karotki čas amierykanskija siły i ich sajuźniki vykarystali tysiačy rakiet dla źniščeńnia iranskich dronaŭ i rakiet, tamu zapasy pačynajuć skaračacca.
Paviedamlajecca, što pastaŭki Ukrainie mohuć praciahvacca, ale budučyja partyi mohuć utrymlivać mienš srodkaŭ supraćpavietranaj abarony. U Vašynhtonie ciapier idzie abmierkavańnie, u jakich abjomach praciahvać padtrymku Kijeva.
Akramia taho, Pientahon užo paviedamiŭ Kanhresu pra namier pieranakiravać kala 750 miljonaŭ dalaraŭ, vydadzienych sajuźnikami pa hetaj prahramie, na papaŭnieńnie ŭłasnych zapasaŭ, a nie na dapamohu Ukrainie.
Heta vyklikaje zaniepakojenaść jak u Kijevie, tak i ŭ jeŭrapiejskich krainach, bo ŭźnikaje pytańnie, ci chopić ZŠA resursaŭ adnačasova padtrymlivać Ukrainu i vieści vajennyja dziejańni ŭ inšych rehijonach. U toj ža čas u NATA padkreślivajuć, što pastaŭki ŭzbrajeńniaŭ Ukrainie praciahvajucca, a finansavańnie prahramy padtrymki składaje ŭžo niekalki miljardaŭ dalaraŭ.
Kolki bojeprypasaŭ vypuścili ZŠA i ich sajuźniki ŭ Iranie — Ukraina tolki zajzdrościć
Zialenski: ZŠA chočuć, kab Ukraina vyjšła z Danbasu ŭ abmien na harantyi biaśpieki
Ukrainskija daradcy byli ŭ šoku, kali ŭ Piersidskim zalivie na adnu cel vypuskali vosiem rakiet Patriot — ahulnym koštam $25 miljonaŭ
Častku amierykanskich SPA pieramiaścili ź Jeŭropy na Blizki Uschod
Saudaŭskaja Aravija i Kijeŭ rychtujuć «hihanckuju damovu» na fonie iranskaj pahrozy
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary